الهندسة البحرية

مرحبا انا عضو جديد في هذا الموقع اسمي ذوالفقار من اللاذقية
وعندي استفسار ازا ممكن
اهل تنصحوني بان ادخل هذا الفرع فرع الهندسة البحرية
وهل له مستقبل جيد
انا بعدني طالب بكالورياوبصراحة طموحي هذا الفرع وبحاجة لنصيحتكن

ليش انت شاطر،قديش جمعت بالتاس

بالتاسع عفوا خطأ كتابي

ليك شباب المنتدى رح يكونوا كتيررر حبابين وينصحوك نصائح كتير مفيدة بقى انتظر ردودهم ،بكونوا هلا بالجامعة بقى انتظرلك شي كم ساعة وبتاخد الجواب المفيد،انا كمان طلبت النصيحة منهم وجاوابوني بكل شفافية مع انهم بيكرهوا البنات.

انا برأيي مع اني لساتني ما دخلت الفرع
بس هالفرع أروع فرع بالجامعة لانو مانو نمطي وفيه قدرة على التميز وبدو رجااااال حقيقيين ليطلعوا بالبحر ويصيروا قباطنة وكبار مهندسين شي رووووعة،بعدين عنا هون بالمنتدى كبير مهندسين وقبطان وطباخة وهلا صاروا طفلين

كمان نصيحة الك اذا عندك معارف وعلاقات اهلك واسعة بمجال البحر يعني بالمشرمحي واسطتك قوية ادخل الفرع فورا بتصير متل ما بدك واحسن من الناحية الاجتماعية والمادية.

اذا اهلك عندهم سفن فورا فورا لا تنتظر ،بتعيش حياة سعيدة وغنية للابد

اعتبر أول واجب لك كطالب يريد دراسة الهندسة البحرية مراجعة هذا الموضوع http://www.bahreya.com/bb3/viewtopic.php?f=15&t=539 و ستجد به أجوبة لأسئلتك ...

اخي الكريم بنصحك تراجع الموضوع الي بناقش تعريف الهندسة البحرية وبعدين بتشوف شو رأيك،ليش ما رديت عليي قديش جمعت بالتاسع.....؟انا كمان بكالوريا علمي

أخي العزيز
كل الكلام ياللأسف يرتبط بمجموعك بالبكالوريا فحط باهتمامك البكالوريا أول شيئ ولكل موقع كلام