العمل في البحر أم بوظيفة حكومية ؟

هل سافرت سابقاً ؟ ما هي الصعوبات التي واجهتها ؟ ... هذه الساحة للنقاش حول العمل البحري بمختلف أشكاله .
صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: العمل في البحر ام بوظيفة حكومية؟؟

مشاركة بواسطة Christopher Columbus »

اي لا يستطيع الشخص دفع بدل حتى لو ضل يسافر عشر سنين بالبحر ( يعني بترجع من البحر بتستناك العسكرية مباشرة ) هالحكي صحيح ولا ممكن دفع البدل واعتبار سنوات السفر هي سنوات اقامة واغتراب

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: العمل في البحر ام بوظيفة حكومية؟؟

مشاركة بواسطة ugaritian »

لاه يا كولومبوس لاه, ابو العبد ما بيحكي الا الصحيح, معلوماتك قديمة و القانون الجديد ما صرلو طالع اقل من شهر, 5 سنين اغتراب (((وين ما كان))) بتدفع 6500 و بتخلص

و هاي رابط عن المرسوم الجديد:

http://www.aksalser.com/index.php?page= ... =799244902

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: العمل في البحر ام بوظيفة حكومية؟؟

مشاركة بواسطة Christopher Columbus »

هههه احلى ابو العبد الاوغاريتي ممنونك رح اقرا نص المرسوم وازا عندك جواب عن سؤال بالمشاركة السابقة باعتبار سنوات سفر البحر غربة او اقامة ويستطيع الشخص دفع البدل النقدي على اساس خدمة البحر

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: العمل في البحر ام بوظيفة حكومية؟؟

مشاركة بواسطة Christopher Columbus »

وأضاف حبيب " أن المجلس قرر تأجيل جلسته بعد الوقوف عند الفقرة التي تتعلق بالعامل المرتبط بعقد مؤقت ومصيره بعد الخدمة حيث طالب المجلس حماية هذا العامل والحفاظ على فرصة العامل حتى بعد انتهاءه من أداء الخدمة , و سيتم مناقشة هذه الفقرة في الجلسة القادمة وبحضور وزيرة الشؤون الاجتماعية والعمل , ووزير الدفاع " لعل وعسى بكون شي مفيد بالنسبة للي عم يشتغلو بعقد عمل وبيشملنا قرار دفع البدل

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: العمل في البحر ام بوظيفة حكومية؟؟

مشاركة بواسطة ugaritian »

هلق كانت 12 سنة و البدل 8000, بس حسب المرسوم الجديد 5 سنوات و البدل 6500, انا هيك فهمت من المرسوم, بس لازم مراجعة شعب التجنيد او ادارة التجنيد العامة للتأكد من الموضوع, اتمنى ممن يملك قنوات مطلعة ان يسال لنا عن الموضوع و يسرد الاجراءات و الوثائق المطلوبة

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: العمل في البحر ام بوظيفة حكومية؟؟

مشاركة بواسطة ugaritian »

Christopher Columbus كتب:وأضاف حبيب " أن المجلس قرر تأجيل جلسته بعد الوقوف عند الفقرة التي تتعلق بالعامل المرتبط بعقد مؤقت ومصيره بعد الخدمة حيث طالب المجلس حماية هذا العامل والحفاظ على فرصة العامل حتى بعد انتهاءه من أداء الخدمة , و سيتم مناقشة هذه الفقرة في الجلسة القادمة وبحضور وزيرة الشؤون الاجتماعية والعمل , ووزير الدفاع " لعل وعسى بكون شي مفيد بالنسبة للي عم يشتغلو بعقد عمل وبيشملنا قرار دفع البدل
هادا الموضوع ما اله خص بالبحر, المقصود هم موظفو الحكومة غير المثبتين (ذوي العقود المؤقتة)

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: العمل في البحر ام بوظيفة حكومية؟؟

مشاركة بواسطة Christopher Columbus »

شكرا صديقي الاوغاريتي لازم نفتح عنا بالموقع قسم القوانين البحرية العالمية ونحطك مشرف عليه هاهاها بعد اذن من مديرالموقع شو رايك ابو العبد

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: العمل في البحر ام بوظيفة حكومية؟؟

مشاركة بواسطة ugaritian »

شو بدكون انا جاهز, المهم تبيضولنا وشنا بعد التخرج و ترفعو راسنا و راس البلد

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: العمل في البحر ام بوظيفة حكومية؟؟

مشاركة بواسطة Christopher Columbus »

كمان اخوي الدمشقي نحنا بزمن وبايام تحتاج الى دخل شهري محترم ليقدر الانسان يحقق متطلبات الحياة الضرورية وصدقني وعم احكي واقع راتب الحكومة واللي الحمد لله عليه على كل حال لتمشي حالك فيه لاخر الشهر لا تنسى امام الشباب مسؤوليات زواج تكوين اسرة كل هالشغلات بتجتمع م ع بعضا لتخلي الشخص عنا من اول شبابو يفكر بالسفر والاغتراب لانو الفرص الاخرى اللي عم تنعرض عليه برواتب محترمة وبتخليه يختصر كتير فترات زمنية من حياتو وتمشي امورو ليقدر يبني نفسو

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: العمل في البحر ام بوظيفة حكومية؟؟

مشاركة بواسطة ugaritian »

المعادلة معقدة بعض الشيئ:

العمل في البحر = عدم استقرار+غربة+مخاطر+مصاري
العمل في الدولة = استقرار+امان وظيفي+ فقر الحال

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: العمل في البحر ام بوظيفة حكومية؟؟

مشاركة بواسطة Christopher Columbus »

صديقي هادا الوافع وللاسف ما فينا نغير بشي
وبالنسبة للبحر مخاطر ومخاطر لابعد الحدود وبنفس الوقت عزاء للشخص انو عم ياخد مبلغ محترم لكن صدقني المبلغ المحرتم اللي عم ياخدو بالبحر على حساب الصحة والغربة وعدم الاستقرا ولكن بالنهاية يعتبر السفر حل مؤقت لبضع سنوات ليامن الشب حالو يعني بتمر كلا كام سنة وبتمر وبقرر الواحد يستقر الا ازا صارت السفر بالبحر مت النيكوتين بيجري بدمو للواحد لانو السفر بالبحر سوسة ومو بالسهولة الواحد يتخلى عنها

صورة العضو الرمزية
Bahreya
مدير الموقع
مدير الموقع
مشاركات: 1217
اشترك في: السبت فبراير 24, 2007 10:27 am

Re: العمل في البحر ام بوظيفة حكومية؟؟

مشاركة بواسطة Bahreya »

أود هنا الاستفاضة في الحديث ( كعادتي ) و سأذكر كثيراً من النقاط بعضها ذكر قبلاً و الأخرى لا ...

أنا أنظر للسفر في البحر على أنه مشروع مادي رابح على الأمد البعيد و خاسر في المدى القريب ... كيف ؟ ماذا أقصد بمشروع مادي ؟
المعادلة التي ذكرت هنا قبلاً و التي ملخصها
عمل في البحر = تعب + غربة + خوف + مصاري
وظيفة حكومية = استقرار + أمان + فقر
للأسف صحيحة , و في الحقيقة عليك أن تختار بين الخيارين الأول و الثاني ... هنا يأتي البعض مثل الزميل ( كريستوف كولومبوس ) ليقول أعمل في البحر أول كم سنة لتأمين نفسي ( منزل + زواج + سيارة + .... ) ثم استقر للعمل في وظيفة أو عمل خاص صغير ..

حسناً نظرياً هذا هو الكلام الأمثل !! لكن هنا ينبغي علي توضيح فكرتي حول أن السفر " مشروع مادي " .. !
عند تخرجك كمهندس بحري هل أنت قادر على العمل فوراً على السفينة ؟ طبعاً لا !!
أنت بحاجة لتعديل شهادتك ( حالياً لا خيار لك سوى مصر )
و ستعمل كمتدرب على السفينة ل6 أشهر
و بفرض كان لديك معارف يطلعوك عالسفينة ...

كل هذا كم سيستهلك من الزمن ؟؟ و من المال ( كلو دفع وين ما رحت ) ؟؟

كم يجب أن تسافر في البحر لترد ما دفعته من المال ؟ و تبدأ في الكسب ( وهنا حساباتي مادية تماماً يعني 1+1=2 )
كم من الزمن بعد أن ترد ما دفعته ستقضيه لتأخذ من المال ما يعوضك عن هذه الغربة و التعب ناهيك عن أنك تريد البدء بحياة مستقرة و يجب أن تعمل من أجلها ؟؟

ما أريد الوصول اليه في النهاية أنه إذا بدأت بالسفر فلا تتوقف ! لأنك أصلاً تعودت عليه و صار لديك ما يمكن أن ندعوه " بنية تحتية " لأن تسافر و تبقى على عملك ... و هذه " البنية التحتية " لم يكن الحصول عليها بالأمر السهل !

و حتى لو اكتفيت تماماً ( بعد شي عشرين سنة سفر ) فستلاقي صعوبة في التأقلم في عدم السفر !! فأحد أقاربي كان شغلة كبيرة بالبحرية ( شيف انجينير ) قديم بس بالجيش !
بعد تقاعده ( من شي سنة سنتين ) قرر يسافر ... تخيل أنو ما تمكن يقعد بالبيت , سافر شهر و بعدها صدم بواقع السفينة التي سافر عليها وترك !

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: العمل في البحر ام بوظيفة حكومية؟؟

مشاركة بواسطة Christopher Columbus »

شكرا الك صديقي المشرف على هالتوضيح بس بختلف معك بنقطة من ناحية الزمن ودفع المصاري صديقي المشرف بعد التخرج ان شاء الله والحصول على مصدقة التخرج خدمة البحر لا تتجاوز الستة اشهر وهي المطلوبة بلاكادمية لتخضع لدورة المهندس الثالث علما ان تكلفة الدورة للمهندس الثالث بمصر اقصد تكاليف الدراسة التسجيل هي حوالي 2500 دولار طبعا سوف تخضع بمصر لدورة stcw من جديد غير اللي معك ياها حاليا وعاملينا من الاكادمية يعني كلا على بعضا عالسوري 150000 عالسوري واحسب مع تكاليف الاقامة بمصر وعدم الرفاهية الزائدة يعني ضب ايدك شوي :SN: بيطلعو شي فوق ال 200000عالسوري هدول ال200000 بتردن خلال سفر 3 شهور بعد الحصول على شهادة المهندس الثالث لانو ما في مهندس تالت بيطلع براتب اقل من 1500 لا 2000 دولار يعني برايي فترة زمنية قصيرة لترد المبلغ اللي دفعتو بعدين صديقي المشرف في سوق العمل مطلوب الكثير من المهندسين البحريين والمهندسين البحريين السوريين قليلين جدا يوجد كادر قليل من المهندسين البحريين يعني في مجال عمل بالمستقبل وصدقني الخبرة البحرية يعني (تتعلم الميكانيك ) انا اضمن لك خلال فترة قصيرة وهي خلال مدة خدمة البحر سيكتسب الشخص خبرة ميكانيكة لا باس اضافة للدورة بمصر وسوق العمل مفتوح صدقني على الرغم من الدور الكبير للمعارف في هذا الموضوع مم تامين سفرات وعقود محترمة مع شركات محترمة ورواتب محترمة هنا دورالمعرفة يكمن [/si

صورة العضو الرمزية
Bahreya
مدير الموقع
مدير الموقع
مشاركات: 1217
اشترك في: السبت فبراير 24, 2007 10:27 am

Re: العمل في البحر ام بوظيفة حكومية؟؟

مشاركة بواسطة Bahreya »

طيب الدورة بمصر كم شهر ؟
المصروف خلال هذه المدة فقط 50 ألف ؟؟
لانو ما في مهندس تالت بيطلع براتب اقل من 150000 لا 200000 دولار
كأنك غلطان بشي صفر هون ؟؟؟ :lol:

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: العمل في البحر ام بوظيفة حكومية؟؟

مشاركة بواسطة Christopher Columbus »

هههههه بعرف صديقي المشرف لهيك عدلت المشاركة لانو كتبتا بسرعة وما عدتها
عهالراتب هادا بلاصفار السابقة كان المهندس البحري غني من زمان وميزانيتو بتعادل ميزانية دولة كبيرة هاهاهاه

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: العمل في البحر ام بوظيفة حكومية؟؟

مشاركة بواسطة Christopher Columbus »

صديقي المشرف عم احكيك من شخص عامل هالدروة وهو متخرج عنا من الكلية بلا زكر اسماء كلفتو الدورة قبل ما ينزل الدولار وهالحكي من اربع سنوات يمكن وهو من خريجين الدروة الاولى بحرية كلفتو 2000 دولار يعني عالسوري شي 100000 تكاليف دراسة ومدة الدراسة 6 اشهر وتكاليف الاقامة بترجع للشخص ومصروفو ومتطلباتو

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: العمل في البحر ام بوظيفة حكومية؟؟

مشاركة بواسطة ugaritian »

شكر و تقدير للمشرف العام على مشاركته المستفيضة ((كعادته)) و شكر لكريستوف كولومبوس على تفاعله المتميز

اتحفظ على بعض الارقام المذكورة, و اعدكم بان اضع لكم خطة عمل متكاملة من حيث المدة الزمنية و الكلفة و المردود المادي لكل من الامور التالية و التي يتحتم على احدكم تحقيقها في حال اختيار العمل في البحر:

1. الدورات: م 3, م 2, ك م
2. خدمة العلم: سواء دفع بدل او الذهاب للخدمة
3. الخطبة و الدهبات
4. الزواج
5. بيت (سواء ملك او اجار)
5.1. فاتورة الموبايل و الاتصال من الخارج
5.2. كلفة الاجازات

و الامور الاختيارية التالية:

6. امكانية متابعة دراسات عليا
7. امكانية الرغبة بشراء سيارة (نقدي او اقساط)
8. امكانية حدوث طوارئ: مثل مرض, حادث سيارة... لا سمح الله

و يؤخذ بالحسبان استفاضتكم بالنقاش حول الموضوع لان افكاركم ستساهم في اختمار خطة العمل

أضف رد جديد