مخطط صندوقي لترتيب العمل على السفينة

[Christopher Columbus]

ارسم مخطط صندوقي يوضح ترتيب العمل في سفينة تحتوي على
ربان , كبير مهندسين , مهندس ثاني , مهندس ثالث , زيات عدد 2 , مساح عدد 2

ضابط اول ,ضابط ثاني , رئيس بحارة ,بحار قادر عدد 5
طباخ , سفرجي عدد 2 ?????????

يلا شباب عطونا مجهودكن بالحل ومين الشاطر اللي بدو يحللنا ياها

[damascus]

أبو العبد
النجدة للشباب

[ugaritian]

بس قلي ايمتا الامتحان

[Bahreya]

امتحانهن بكرة ... مادة تشريعات بحرية للدكتور رامي حوا ...

في شغلة شباب : ديروا بالكن الطباخ يتبع القبطان بشكل مباشر و هي نقطة هامة ركز عليها الدكتور السنة الماضية !!

[ugaritian]

هاي المخطط الصحيح من وجهة نظري بس في ناس بيعتبرو كبير المهندسين على مستوى واحد في القيادة

كان ممكن حطلكون المصطلحات الانكليزية و نناقشلنا شوي بس امتحانكون بكرة

صيغة الملف وورد 97 ليسهل التعديل

بتاسف الملف ما مرتب اشتغلتو عالسريع بكرة بحسنلو شكلو و بضيف المصطلحات الانكليزية

Doc1 - Copy.doc

[Bahreya]

مخطط جيد جداً ... لكن أود السؤال حول الزياتين و المساحين ... هم بنفس الرتبة أم الزياتون أعلى كما في المخطط ؟؟ أيضاً هل لا يزال يوجد لهم عمل على السفينة أم أن الآلات الحديثة حلت محل الزيات مثلاً !! ؟

[ugaritian]

نعم الزيات Oiler اعلى رتبة من المساح الذي يكون جديد عالبحر

بالطبع يوجد لهم عمل الزياتة و البحارة متل العساكر بالجيش بيشتغلو كلشي تنظيف و تمسيح و دهان وشاي و قهوة لضابط الوردية يعني شغلون مرمطة بدون تشغيل مخ و هادي قسمتهون بالحياة

و على فكرة المخطط المطلوب مثالي للسفن التي حمولتها من 6000 الى 20لف طن

[Christopher Columbus]

يسلمو شباب على هالمعلومات الحلوة شكرا ابو العبد على المخطط النموذجي
وحسب رايي ان القبطان هو صاحب الامر بالنهاية ويعطي الاوامر لتسيير السفينة
يعني هو صاحب الكلمة النهائية
الا بالحالات الطارئة اللي بتتعلق بامور الاعطال الميكانيكية ما فيه يتخد اي قرار بتسيير السفينة
الا بناء على استشارة وتقرير مفصل من كبير المهندسين لتقييم حالة العطل والوضع اللي هني فيه
وعفكرة كبير المهندسين في السفن الضخمة مهمته استلام الاوراق والمستندات وكتابة تقارير يومية توضح استهلاك الوقود والزيت اليومي للمحرك الرئيسي والاجهزة المساعدة على السفينة
وتدوينها ضمن اوراق خاصة وكتيبات خاصة بتنطلب من السفينة عند الوصول للمرفا بيطلبها ( البورت ستيت ) اعمال روتينية
وما يبدخل الا بالحالات الطارئة والاعطال الميكانيكية المستعصية وكل الشغل بكون واقع على
المهندس الثاني والتالت والزياتية
ويا ريت ازا حدابيقدر يامن هيك اوراق للتقارير اليومية اللي بقوم فيه كبير المهندسين ويحملن عالموقع
ما بضرو شباب بفيدو لقدام
ندائي موجه الى ابو العبد طبعا عم نكتر طلبات متواخزنا

[ugaritian]

ويا ريت ازا حدابيقدر يامن هيك اوراق للتقارير اليومية اللي بقوم فيه كبير المهندسين ويحملن عالموقع
ما بضرو شباب بفيدو لقدام
ندائي موجه الى ابو العبد طبعا عم نكتر طلبات متواخزنا

موجود, غالي و الطلب رخيص

[Christopher Columbus]

"]

موجود, غالي و الطلب رخيص

[/quote]

كفو يا ابو العبد كفو

[ugaritian]

انشاء الله منتذكر تقارير كبير المهندسين بعد ما تغلن الامتحانات

هلق بدي منكون شغلة, اللي نزل المخطط الصندوقي يظبتو على وورد يحسنلو شكلو و يرفعو مرة تانية

[Christopher Columbus]

هلا موضوع تقارير كبير المهندسين انا بزكركن فيه لانو عندي موضوع حول هالشي بس خلص امتحان
ومنشان ملف الورد بكرا بظبطو وبرجع حملو
رغم انو كويس يعني واضح يا اابو العبد

[ugaritian]

ومنشان ملف الورد بكرا بظبطو وبرجع حملو
رغم انو كويس يعني واضح يا اابو العبد

بس هادا اوضح؟؟؟

[Christopher Columbus]

هادا المخطط فخم يسلموووووووووووووو

[ugaritian]

حط الكهربائي بعد المهندس الثالث في مستوى الضباط (يفضل توصلو عكبير المهندسين مباشرة)