امتحانيات ....
غداً عندي امتحان ... 
لا نوم اليوم , دراسة حتى الصباح ... غسيل وش عالسريع , ما في داعي للمشط ( لشو الرفاهية ) .... بلا ما فوت عالحمام حتى ما اتأخر !!!
وصلت عالجامعة قبل الامتحان بشي ساعة .... عالحمام فوراً !! -----------------------------
شو شو في إشاعات من الطلاب ؟؟؟ آخر محاضرة ؟؟؟ شو ؟؟؟ محاضرة ما حدا حضرها غير طالبين ؟؟ يعني بعد امتحان العملي ؟؟؟ وينها ؟؟
هادا السؤال ركز الدكتور عليه ؟
عالحمام ... !
يا الله شباب لا حدا يحكي بالمادة ... الدراسة هلا بتضر ما بتفيد ... صحيح اتذكرت المحاضرة العاشرة المسألة الرابعة كيف حلها ؟؟؟ حاسسني قلبي رح نجي !!!
-----------------------------
و تمر نصف ساعة من الوقت الثقيل على الطلاب بين من يشعر بها دهراً و من تمر عليه كثوانٍ ... ثم تعلق الأسماء و الأرقام لجميع الفروع قبل ربع ساعة من الموعد تقريباً لنهجم جميعاً و كأنو الوقت ما بيسمح للجميع بمعرفة أرقامهم ... -----------------------------
شو أي قاعة ؟؟؟ القاعة 21م ....
شو ؟؟؟ نفسها قاعة الهيدروليك
!! حملنا المادة معناها ...
شو رقمك ؟؟؟ فتحوا القاعة .... وينك شو جواب هديك المسألة ؟؟؟
بلا صوت و كل واحد بمحلو أحسن ما طلعو برا .... صوت مجرم الحرب الذي يطل علينا بوجهه البشوش جداً
...
كل شي بيتعلق بالمادة لبرا القاعة ... لمين هالكتب هنيك عند الباب ؟؟؟ اشلحوها برا ... برااااا ثم يصمت قليلاً ليتذكر أيام العسكرية و كيف كانت جامعته و كيف كان الدكاترة يعملوا فيه ليقول بينو و بين نفسو " إجا دوري
"
-----------------------------
و يسود صمت رهيب قاعة الامتحان حتى توزع أوراق الإجابة و تخرج علينا شي مقنزعة عن منصة القاعة ( اكتب اسمك على الورقة بعد ما بتفتحها حتى ما يطبع الاسم على الوجه الثاني ) 
و كأن هذه هي وسيلة الغش الوحيدة ... أو كأن الدكتور لا يعرف لمن هذه الورقة إلا بهذه الطريقة أو كأن الضوء من ورا الاسم لا يجعله مقروءاً .... إلخ من وسائل الغش التي لا تقف عند تعرف الطالب بنفسه على ورقته و إشرافه على وضع العلامة بنفسه ... -----------------------------
العمى بعيونو .... جايب 30 علامة من آخر محاضرة و كلها 3 صفحات بس لأنو ما حدا حضرها ... منيح اللي درستها قبل ما ادخل ( بالأصح تصفحتها ) ... شو رح يصير فيه بس يعرف أنو كل الطلاب جابوها و درسوها .... ههههه .... رح ينجلط
!!!
شو ؟؟ ما سامعك ؟؟؟ أي سؤال ؟؟ آه ؟؟ الأول ؟؟ الثاني ؟؟
أنت وياه ... هسسسس ...
هون باخد 15 و هون 10 و هون 20 صاروا 45 ما بيعطيني هون 5 علامات ؟؟ مبلا ... و هون باخد 10 صاروا 60 .. يا الله بس لو اتذكر جواب هادا السؤال باخد معدل ... سسست ... السؤال الرابع ... شو ؟؟؟ ( جواب منخفض الصوت : قسم على إكس ) اي اي خلص اتذكرت ...
إي هاه ... صاروا 75 علامة ... بسلم الورقة و أنا مرتاح ... إي إذا الدكتور (...) بالتصحيح ما بياخد أكتر من عشر علامات بضل شايل المادة و فوق الستين .
..
-----------------------------
و أخرج من القاعة و أنا ما طاسس قدامي .. -----------------------------
وين كتابي ... أيوااا ... ماشي الحال كلوا متل ما حسبتو .... تمام ... شو أحمد كيف المادة ؟؟؟
أحمد :
العمى يا زلمي بس لولا هالشغلة
.... أفففففففف
... ما باخد فوق ال 85 بأي شكل ....و أنت كيف ؟؟؟
أنا : بشيلها ( بشيء من الخجل
بعد ما كنت مبسوط بالـ 75 )
شو شو بتاخد ؟؟؟ هون 60 و هون ما بشيلها و هون انسحبت و هون 70 و هون " انشالله منيح "
و هيك ....
----------------------------
..... يتبع في النتائج ..!!! حيث الكوارث و الحقائق !!
