نتائج امتحانية .... حقائق و كوارث !!

منتدى ناقد في ما يخص دراسة الهندسة البحرية في جامعة تشرين , المواضيع تعبر عن وجهة نظر كاتبها فقط !
تسوق اكسسوارات وقطع غيار القوارب معدات صيد معدات غطس

صورة العضو الرمزية
Bahreya
مدير الموقع
مدير الموقع
مشاركات: 1215
اشترك في: السبت فبراير 24, 2007 10:27 am

نتائج امتحانية .... حقائق و كوارث !!

مشاركة بواسطة Bahreya » الخميس أكتوبر 16, 2008 9:45 pm

نتائج امتحانية .... حقائق و كوارث !!


مقال سابق مرتبط " امتحانيات " ...

علامة النجاح عند أبطال القصة ( 50 ) علامة ... و الله يكون بعون أصحاب الـ ( 60 ) !!!
بعد أن تقرأ المقالة السابقة .... ستعرف أننا وصلنا إلى تخمين النتائج من قبل الطلاب ... و الأمور هنا نسبية تختلف من طالب لآخر و من مادة لأخرى و من دكتور لآخر .. لكن دوماً هناك نفس الحالات و لو اختلف الأشخاص !!!
بالتأكيد ستعتقد في أحد الحالات أنني أتكلم عنك .... اطمئن , سأتكلم عنك و عني و عن كل الطلاب الذين أعرفهم و لا أعرفهم , الأسماء وهمية أو مستعارة أو شائعة جداً و لا تعبر بأي شكل عن هوية صاحبها ....
لنبدأ بي أنا , فكنت قد قدرت علامتي بـ 75 علامة ... فيها 5 علامات مشكوك بها ( يا باخدها يا لا ) ... و بيني و بين نفسي : إذا الدكتور ظلمني باخد 60 و الحمدلله ...

و عذراً مسبقاً على استخدام اللهجة العامية في الحوارات لإطفاء الواقعية ( و ما نصير متل المسلسلات المدبلجة )

--------------------------
تررررن ..... ترررررررن
آلو ... أهلا ... تمام و أنت كيفك ؟؟؟ بذمتك ؟؟ شو آخد ؟؟؟ شوووووو ؟؟؟ متأكد أنت ؟؟؟؟ كيف بس هيك ؟؟؟ 53 بس !!!!
يالله منيح اللي ما حملتها ... بس كيف هيك ؟؟ كيف العلامات بشكل عام ؟ شو آخد أنت ؟
الهاتف : كل العلامات تقريباً هيك , أنا 58 , رمضان آخد 51 ... إلخ
أنا : ماشي الحال ... شكراً الك , أنا نازل بكرة عالجامعة بتوصي شي ؟؟
الهاتف : أنا كمان نازل ... بشوفك هنيك ...

--------------------------

و في الجامعة طالعت النتائج كلها و متل العادة مفاجآت كثير ... كنا في الجامعة أنا و رمضان و يحيى الذي كان قد خبرني بالمادة و كان أحمد أيضاً ... و دار الحديث التالي :


--------------------------
كيف الشباب ؟
أهلا .... كيفك أنت ؟؟ شو عجبتك العلامة ؟؟

أنا : (.....) لو لا يكون (.....) العمى شو طلع ( ..... )
أحمد : و أنا يا زلمي ظالمني ... كنت متوقعها 85 طلعت 83 ... بس بدي أعرف على شو مروحلي هالعلامتين !
رمضان : ( بسخرية طبعاً ) : صاير فيك متلي .... و أنا مروحلي 20 علامة ما بعرف وين !!
يحيى : أنا هيك كنت قايل تقريباً .... بحدود الـ 65 و طلعت 58 ... عادي يعني
أنا : تعالوا نشوف علامة العقاب ... لما سألته بعد المادة قال " يعني .. ما إشبا شي " ... ليك آخد 87 .... أما شو حفة ؟؟؟ يعني كذب ولا شو ؟؟ مابعرف !!
يحيى : بلكي قصدو حفة الأول ؟؟؟

ها ها ها ها ها ( ضحكة جماعية باستثناء أحمد المهموم للعلامتين الضائعتين ) ...

رمضان : ليكوا محمود شو آخد .... 49 كان مقدرها 75 و حملها !!!!
يحيى : و محمد كمان 48 و كان مقدرها 70
أنا : بس شوف علي آخد 81 مع أنو قال " بشيلها " !!
يحيى : أعلى علامة لعلاء .... بتتذكر لما سألناه بعد المادة شو قال ؟؟
أنا : قال " انشالله " و قالها من غير نفس و ضاربنا بمنية .. اللي بيشوفو وقتها بيقول هادا أكلها ...
رمضان : ما حدا جايب متل مو مقدر إلا يحيى !!!
أنا : صدفة ... يبدو أنو هالدكتور ما بيصحح إلا عطريقة التابع Random .... علامة عشوائية و علامة العملي بتنجمع معها و هيك ...
يحيى : لا .... الطلاب فيهن كتيرين بيكذبوا ... واحد بيقلك مو منيح و هوي ما بترحلو و لا علامة !
أنا : و في طلاب ما بيعرفوا يقدروا العلامة ... و في طلاب بيكذبوا بالعكس حتى يتهموا الدكتور ... بس بصراحة ... و أنتوا بتعرفوا اني بقدر علامتي بالعادة تماماً و حتى أحياناً بتطلع أكتر بشوية من التقدير ... هادا الدكتور إما مو مصلح أو عندو أسلوب خاص جداً فيه !!!
رمضان : يعني بدها حكي ؟؟ مو مبينة ؟؟!!
أحمد : بس لو أعرف كيف رايحة هالعلامتين !! أصلاً أنا كنت مقدرها 86 و قلت 85 بس طلعت 83 يعني في 3 علامات ظلم مو 2 بس !!! أففففففففف بس يالله منيحة مو منيحة ؟؟

--------------------------


لا داعي هنا لأخبركم بأننا أصبنا بحالة مغص جماعية بسبب العلامتين أو الـ 3 علامات الضائعة لأحمد و نصحناه بعدم تقديم اعتراض حتى لا ينقم عليه الدكتور و كما أشرنا إليه فعل ...


--------------------------
شو شباب بتفتوها ؟؟
يحيى : أهلا شريك ... بدنا نهزمهن !!
رمضان : وين بدنا نقعد ؟؟
أنا : عندي بالشقة ..
أحمد : بس لو أعرف ليش رايحة هالعلامتين !!

---------------------------

تسوق اكسسوارات وقطع غيار القوارب معدات صيد معدات غطس

صورة العضو الرمزية
Eng.Lojain
مشرف سابق
مشرف سابق
مشاركات: 403
اشترك في: الثلاثاء مارس 27, 2007 9:54 pm

Re: نتائج امتحانية .... حقائق و كوارث !!

مشاركة بواسطة Eng.Lojain » الخميس أكتوبر 16, 2008 10:37 pm

هلا إذا بدك تحكي من هي الناحية أنا برأيي أنو علامة العملي بتلعب دور كبير بالموضوع :idea: :
- يعني الدكتور بيعرف أنو أقل علامة بالعملي هيي كذا لذلك أثناء التصحيح بيفترض أنو كل طالب هوي صاحب هالعلامة:
وبشوف اذا عجبتو الورقة و الأسلوب و الاجابة متوسطة يضع علامة تؤهله بالنجاح على الحد
أما اذا لم يعجبه ( الخط ) و الاسلوب ينقص العلامة عن الحد ..
أما إذا كان الطالب مجاوب على كل الأسئلة يعني هادا الطالب شايل المادة مهما كانت علامته بالعملي لذلك بصحح مظبوط

وحسب الطالب و حظو بعلامة العملي وعلاقته مع الأساتذة بالأحرى :evil: :evil: :evil: :evil: :wink:
آخر تعديل بواسطة Eng.Lojain في الخميس أكتوبر 16, 2008 10:37 pm، تم التعديل 3 مرات في المجمل.
السبب: أخطاء مطبعية

صورة العضو الرمزية
Bahreya
مدير الموقع
مدير الموقع
مشاركات: 1215
اشترك في: السبت فبراير 24, 2007 10:27 am

Re: نتائج امتحانية .... حقائق و كوارث !!

مشاركة بواسطة Bahreya » الخميس أكتوبر 16, 2008 10:52 pm

يا عيني عليك ...

حطيت ايدك بنص الجرح !!!
الفكرة التي كنت أحوم حولها وضحتها أنت تماماً .... يعني لازم تكتب بـ 80 من 80 حتى تاخد علامة منيحة .... أما إذا كتبت 60 من 80 فأنت أمام مفترق طرق ... و إذا أقل من هيك ما ينتظرك هو رحمة أو لعنة نسبة النجاح و عدد الطلاب الذي كتبوا بشكل جيد في المادة !!!

صورة العضو الرمزية
Eng.Lojain
مشرف سابق
مشرف سابق
مشاركات: 403
اشترك في: الثلاثاء مارس 27, 2007 9:54 pm

Re: نتائج امتحانية .... حقائق و كوارث !!

مشاركة بواسطة Eng.Lojain » الخميس أكتوبر 16, 2008 11:01 pm

صح ونسيت نوّه أنو (هالرّحمة) من الدّكاترة عند كلية الهمك (نحنا محسودين عليها) :cry:
ليش لأنو بالكليات الأخرى ( الآداب مثلا ) ما بتفرق معهم هي اذا اطّلعوا على الأجوبة من أصلو..... :cry: :cry:
و بظن انو الكل سمعان بقصة الكازية........ :mrgreen: :wink:

صورة العضو الرمزية
عاشق البحر
مشرف سابق
مشرف سابق
مشاركات: 68
اشترك في: الأربعاء مارس 28, 2007 9:42 pm

Re: نتائج امتحانية .... حقائق و كوارث !!

مشاركة بواسطة عاشق البحر » السبت أكتوبر 18, 2008 9:22 pm

والله زعلت عا أحمد أكتر شي بس يالله الله بيعوضلو بس متل ما قال السيد بل ولا شي اللعب كلو بصير عاعلامة العملي ( يابتفرش عـ 49 ـ)
متلي وبضل بسنتك يا بتنفد منها وعلامة العملي اللي بيعتبرها الدكتور هي 10 _ من عشرين_ وبيحاول يوصلك بالنظري ع39 _طبعا مو الكل من شان مايصير الظلم _
بس الله لايوقع حدا باللي وقعت فيه.................................................. :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry:
عاشر الاسد لو اكلك ولاتعاشر الندل لو ما خذلك

M.E. Aous
مشرف سابق
مشرف سابق
مشاركات: 327
اشترك في: السبت مارس 31, 2007 4:51 pm

Re: نتائج امتحانية .... حقائق و كوارث !!

مشاركة بواسطة M.E. Aous » الثلاثاء أكتوبر 21, 2008 10:53 pm

مشكور لانك جطيت ايدك ع الجرح
هدا شي صغير من اللي عم يحصل سواء على مستوى القسم او الكلية
بس هذا ينطبق ع 70% من الدكاترة بس مو الكل لانو اذا خليت خربت
وتاني وتكملة لموضوعك فيه شي نسيته :
بنرجع
الهاتف : الو كيفك شورايك بالعلامات
انا : طبعا كانت مفاجئة و غير متوقعة
الهاتف : طبعا الورقة اللي تدخل توقع ع الطاولة ناجح وغيرها لا
انا : بس انتبهت على علامة عليان
الهاتف : اي يمكن كان محضر تمام
انا : محضر تمام ؟؟؟؟ بس هادا كان بقاعتي و طلع من اقل من نص الوقت كيف جايب هالعلامة 80
الهاتف :معقول ؟؟؟ لا لا ما بيعملها
انا : اي بيعملها وبيعمل ابوه شو بيردوا سمعنا عن كتير محاولات من هالنوع منو بس يمكن هي الوحيدة اللي مشي حالها
الهاتف : خليها ع الله ناس بتدرس وناس .........يللا بدك شي
انا :ميت السلامة اخوي بشزفك بالكلية
لا تأسفنَّ على غدرِ الزَّمانِ فطالمـا .. رقصت على جثث الأسودِ كلابٌ...
و
لا تحسبنَّ برقصها تعلوا على أسيادِها .. تبقى الأسود أُسودٌ والكلابُ كلابٌ...

صورة العضو الرمزية
Bahreya
مدير الموقع
مدير الموقع
مشاركات: 1215
اشترك في: السبت فبراير 24, 2007 10:27 am

Re: نتائج امتحانية .... حقائق و كوارث !!

مشاركة بواسطة Bahreya » الثلاثاء أكتوبر 21, 2008 11:03 pm

فعلاً ... نسيت أمر الطالب الذي خرج من أول نصف ساعة و شال المادة و هداك اللي ما بيعرف يرسم خط فوق خط و جاب معدل بأحد مواد الرسم .... إلخ من الحالات التي يضيق ذكرها حقيقة في مقال واحد ...