مساعدة : أريد فكرة عن العمل في حال درست الهندسة البحرية

[MIRAGE_N]

السلام عليكم
أنا طالب بكالوريا علمي وبعد ماطلعت المفاضلة أنا كتير حابب سجل هندسة بحرية بس والله أنا ماعندي أي فكرة عن المستقبل بعد الدراسة
أتمنى المساعدة منكم لأنكم أكتر حدا ممكن يساعدني
ياريت ماتبخلوا عليي بنصائحكم لأني بأمس الحاجة لألها
أنا ناطر مساعدتكم

[Bahreya]

و عليكم السلام

يمكنك مراجعة هذا الموضوع : http://www.bahreya.com/bb3/viewtopic.php?f=15&t=274 الذي يشرح بشكل مبسط عن الهندسة البحرية !
و هذا الموضوع : http://www.bahreya.com/bb3/viewtopic.php?f=15&t=539 من 14 صفحة فيه الكثير من الآراء و النصائح بهذا الخصوص ..

تحياتي

[MIRAGE_N]

والله أنا شفت الموضوع بس اللي طلب المساعدة بنت مو شب و بتمنى أعرف منك شو مستقبل العمل إذا ماسفرت بالبحر؟
أنا بصراحة متردد كتير بدي حدا ينصحني بشكل نهائي
التسجيل صار ع البواب و أنا لحد هلئ ماعم أعرف أخد قراري
وأنا بنتظار رأيك لأنو كتير بيهمني
وأسف كتير إذا عم عطلك معي

[Bahreya]

إذا كانت لديك رغبة أو إمكانية السفر في البحر فلا تتردد !!

إذا كنت لا تريد السفر بالبحر فعملك سيكون في وظيفة عادية متل أي وظيفة لكن أبواب العمل الخاص ستكون أضيق من الهندسات الأخرى !! فلو درست هندسة ميكانيك قوى مثلاً سيكون لديك مجال العمل في الطاقة الشمسية و ميكانيك السيارات و و ... و حتى ميكانيك السفن !

[MIRAGE_N]

ألف شكر ألك على ردك القيم
وبصراحة أنا هاد اللي كان بدي أعرفو عن البحرية بالضبط
بس وبحسب رأيك و خبرتك بالمجال البحري بتنصحني بالسفر أو برأيك بختار هندسة تانية ؟
وأخر سؤال لحضرتك
في فرص عمل بالخارج للمهندس البحري بس بالمرافئ كصيانة سفن ؟
متل العمل بمنصات نفط أو مرافئ بدول الخليج
وبعتذر ع الإطالة وشكر ألك

[Bahreya]

أمر السفر أو عدمه أمر عائد للشخص نفسه ! لا أحد يستطيع أن يبت به بدلاً عن آخر لأنه يتعلق بقدرتك على تحمل صعوبات السفر ( و هي ليست قليلة ) و قدرتك على تعديل شهادتك في مصر من الناحية المادية .. ( أو ربما يقوم مركز التأهيل البحري الذي افتتح مؤخراً في سوريا بهذه المهمة قريباً لكن حتى الآن فهو لم يباشر عمله في هذا المجال كما كنا نرغب ) ..

بالنسبة للعمل في الخارج بدون سفر .. للأسف هذه الفرص قليلة جداً و هي متوفرة لمهندسي الميكانيك أكثر من توفرها لمهندسي البحرية !