صفحة 1 من 1

اول نسمة بحرية

مرسل: السبت نوفمبر 21, 2009 3:14 pm
بواسطة ugaritian
كنت ما ازال طالبا في الاكاديمية بالاسكندرية في العطلة الصيفية بين السنة الاولى و السنة الثانية

التحقت بسفينة صغيرة حمولتها 2800 طن في اللاذقية, كان اكبر همي ان احصل على كابينة جيدة في السفينة و ان احصل على فرصة التعامل مع الاجهزة الملاحية في البردج و التي درستها نظريا في المحاضرات.

توجهت السفينة من اللاذقية الى ميناء صغير في البحر الاسود لتشحن بضاعتها من الحديد

كان القبطان خبرة من ارواد و في منتهى الصرامة, لم يسمح لي باستخدام الاجهزة بشكل مباشر لكني كنت استرق النظر باهتمام شديد, و بعد عدة ايام سمح لي بتوقيع موقع على الخريطة:

صورة

و من ثم علمني استخدام الدفة و قد اتقنت ذلك بمهارة و بزمن قياسي:

صورة


و بعد عدة ايام و بعد ان تاكد من مهاراتي النظرية و تنبيهي لقواعد منع التصادم و التاكيد علي بمناداته في حال الضرورة سمح لي باستلام وردية كاملة فمارستها بشكل كامل و استعملت جميع الاجهزة في البردج من رادار و اجهزة اتصال و غيرها

صورة


تلك كانت رحلتي البحرية الاولى و اعذروني على رداءة الصور فكميرات الديجيتال لم تكن متوفرة في تلك الايام

شحنت السفينة بضاعتها من البحر الاسود و عادت الى سوريا حيث نزلت منها و التحقت بدراستي

اكبر الذكريات العالقة من تلك الرحلة كان المرور في مضائق تركيا (الدردنيل و البوسفور) مع اني مررت بتلك المضائق لعدد لا يحصى من المرات فيما بعد الا ان رهبة المرة الاولى لا تنسى, و ساقوم بكتابة موضوع خاص عن البوسفور فيما بعد باذن الله

Re: اول نسمة بحرية

مرسل: السبت نوفمبر 21, 2009 11:42 pm
بواسطة Eng.Lojain
شكرا لك على الموضوع بس حبيت اسألك شوية أسئلة :
- أي سنة هاد الحكي ؟
- شو كانت مواصفات السفينة ؟
- تقبلت البحر فورا ولا عانيت من غثيان و دوخة؟
- نصائح للشباب اللي ناويين يسافروا يعني احتياطات أول مرة ؟
- ممكن بعدين موضوع عن الدفة من كتابتك لنشوف الفرق بين النظري و العملي ؟
ومشكور مرة تانية.....

Re: اول نسمة بحرية

مرسل: الأحد نوفمبر 22, 2009 12:39 pm
بواسطة Bahreya
يا أوغاريتي فعلاً أنك معلم !!!! يعني متل هيك موضوع مع الصور بيرفع الراس ...

خلينا بالموضوع هلا ... عانيت بتحضير الأوراق اللازمة للسفر ؟؟
كيف دبرت السفرة ؟؟ يعني عن طريق معرفة أو شركة أو ؟؟؟؟ وشو كان راتبك و أنت طالب و شو صار بعد التخرج :arrow: :arrow: بتعرف أنت الأمور المادية أهم الأسباب لدفع الناس للسفر في البحر ...

تحياتي ....

Re: اول نسمة بحرية

مرسل: الأحد نوفمبر 22, 2009 1:42 pm
بواسطة ugaritian
بلا ولا شي كتب:شكرا لك على الموضوع بس حبيت اسألك شوية أسئلة :
- أي سنة هاد الحكي ؟
- شو كانت مواصفات السفينة ؟
- تقبلت البحر فورا ولا عانيت من غثيان و دوخة؟
- نصائح للشباب اللي ناويين يسافروا يعني احتياطات أول مرة ؟
- ممكن بعدين موضوع عن الدفة من كتابتك لنشوف الفرق بين النظري و العملي ؟
ومشكور مرة تانية.....
اسئلة كثيرة تشكر عليها

هالحكي في اوائل التسعينات
سفينة صغيرة 2800 طن (اصغر سفينة سافرت فيها)
للغثيان و الدوخة لقاء في موضوع منفصل مع تفصيل و نصائح عملية
كمان احتياطات اول مرة بدها موضوع منفصل
امر الدفة سهل بس اعذرني كمان موضوع منفصل.

يظهر بدي اطلب من المشرفين فتح قسم خاص للملاحة. :wink:

Re: اول نسمة بحرية

مرسل: الأحد نوفمبر 22, 2009 1:55 pm
بواسطة ugaritian
Bahreya كتب:يا أوغاريتي فعلاً أنك معلم !!!! يعني متل هيك موضوع مع الصور بيرفع الراس ...

خلينا بالموضوع هلا ... عانيت بتحضير الأوراق اللازمة للسفر ؟؟
كيف دبرت السفرة ؟؟ يعني عن طريق معرفة أو شركة أو ؟؟؟؟ وشو كان راتبك و أنت طالب و شو صار بعد التخرج :arrow: :arrow: بتعرف أنت الأمور المادية أهم الأسباب لدفع الناس للسفر في البحر ...

تحياتي ....
بالله خجلتني :oops:

الاوراق سهلة و معروفة 48 ساعة ممكن تحص على جواز السفر البحري

تدبير السفرة: اعلم ان هذا الموضوع مقلق لمعظم الخريجين ما لم يكونو بشكل او باخر مسنودين بمعارف و اقصد هنا معارف من اصحاب السفن, اول مرة دائما صعبة لكن عندما يثبت الخريج (المهندس او الضابط) جدارته في العمل فستصبح المرة الثانية اسهل خاصة اذا ما كان ذلك مصحوبا بمحبة زملائه من افراد الطاقم فمجتمع البحر صغير و ضيق و السمعة فيه مهمة جدا (لا تقل اهمية عن الشهادة) فالادمي دائما مطلوب و مرغوب.
انا يا خي دبرت السفرة عن طريق احد الاقارب و بعدها ما احتجت حدا, زملائي من افراد الطاقم عملولي تسويق و اموري مشيت, اول مرة طلعت بدون راتب بس القبطان عطاني فرنكين لما وصل الببور عروسيا منشان شوف شبابي... :wn: رحت اشتريت شوية كريستال لامي :cn: (كان الكريستال رخيص في اواخر ايام الشيوعية)
الراتب في البداية لبس مهما, المهم اثبات الجدارة و بناء سمعة طيبة بان يقال فلان فهمان, شغيل, ادمي و بعدين بتجي عروض العمل لوحدها, و بالعكس اذا الواحد اصر على رواتب خيالية بيضل قاعد بالبيت و كانك يا زيد ما غزيت