الهندسة البحرية

مرسل: **الأربعاء يناير 06, 2010 3:42 pm**

نفتح هنا باب النقاش حول العمل في البحر في شركات سورية او خليجية او اوروبية ام الوظيفة في القطاع العام, الرواتب و المزايا و العيوب

يعني انت خريج اكاديمية؟ فكرتك بقسم الهندسة البحرية بالجامعة.

بفهم من حكيك انك مستعد تزاحم عالوظيفة و تعمل واسطة منشان تشتغل على احد هالزوارق؟ و تتخلى عن راتب لا يقل عن 1500 دولار (اذا كنت ضابط تاني) منشان راتب القطاع العام؟

إضافة من المدير :

هذا الموضوع للتحدث عن خياراتك للعمل .. هل تفضل العمل في البحر أم بوظيفة حكومية ؟؟؟

مرسل: **الأربعاء يناير 06, 2010 3:56 pm**

اذا حسيتها لقدام ومنشان المستقيل والاستقرار والزواج ومن هالشغلات فهيي افضل نعم يا صديقي
لانو بتعرف وضع يلي بيسافروا بالبحر كيف بيكون بالمستقبل بس يرتبط الموضوع بالزواج والاستقرار
على كل هاد رأيي ممكن غير ما يوافقني الرأي

مرسل: **الأربعاء يناير 06, 2010 4:00 pm**

ugaritian كتب:بسيطة

يعني انت خريج اكاديمية؟ فكرتك بقسم الهندسة البحرية بالجامعة.

بفهم من حكيك انك مستعد تزاحم عالوظيفة و تعمل واسطة منشان تشتغل على احد هالزوارق؟ و تتخلى عن راتب لا يقل عن 1500 دولار (اذا كنت ضابط تاني) منشان راتب القطاع العام؟

اي نعم انا خريج الاكادمية ومعي ضابط تاني ملاحة واذا حسبتها 1500 دولار على عقد 9 شهور وبواخر ما بخبرك عن جاهزيتها العالية شو ممتازة فهوي كتير قليل لانو نصو او اقل شي ربعو رح يروح منك خصوصا انو الدولار هلق بالارض

مرسل: **الأربعاء يناير 06, 2010 4:04 pm**

الزوارق التركية والروافع اللي دشنا السيد وزير النقل على الرابط هون http://www.esyria.sy/elatakia/index.php ... 1051340022

كويس خطوة ممتازة نوعا ما لحتى الواحد يقدر يقول انو في بسوريا طاقم انقاذ حتى لو كان متواضع نوعا ما وحرام هالزوارق الجديدة ينحط عليها الا ناس متمرسين ومدربين لقيادتها (انا طبعا قلت طاقم انقاذ )يمكن وسائل الانقاذ صارت نوعا ما موجودة بس الطاقم يا ترى موجود؟؟؟؟؟؟؟ بقصد هل بسوريا طاقم انقاذ متكامل وناس مدربين لعمليات الانقاذ ضمن البحار لانوعلى علمي كل طاقم انقاذ باي دولة بكون مؤلف من طاقم خبير ومدرب على عمليات الانقاذ (بقصد اشخاص مدربين) وبكافة الظروف مهما كان الجو والبحر بوضع سيء

مرسل: **الأربعاء يناير 06, 2010 4:19 pm**

بس بحب استفسر عن الموضوع اللي كتب عنو الاخ علي وانو عندو استعداد للعمل ضمن المرفا بالنهاية لا غنى غنى عن الوظيفة الحكومية بعد ما يامن الواحد نفسو طبعا بعد كام سنة سفر بالبحر ويفكر بلاستقرار ولكن اختلافي على نقطة انو خريجين الاكادمية المصرية كيف عم تتعامل معهن الحكومة السورية يعني الشهادة هي شهادة مصرية يعني بدو يخضع الشخص اللي حامل شهادة ملاحية مصرية كضابط تاني الى معادلة شهادة لتتوازى مع الشهادة السورية وبحق للشخص اللي حامل الشهادة انو يتوظف ضمن الدوائر الحكومية السورية ولا في وضع خاص غير هيك

مرسل: **الأربعاء يناير 06, 2010 4:28 pm**

صديقي العزيز الشهادة المصرية ما بدها تعديل هون بسوريا لانو معترف عليها بس بتاخد من الموانئ شهادة ترقية وهيي عبارة مصادقة على شهادتك المصرية ومنشان العلم السوري كمان اما بالنسبة للتوظيف فهي عبارة عن عقود متل مصب النفط ببانياس مثلا او الارشاد بالمرفأ
واذا عندك واسطة بتنحط وين ما بدك بس بشكل عام مجالك محدود بالارشاد او مثلا الكشف على السفن يلي بترفع سوري اذا معك شهادة سورفيه وبالنهاية البحر الو اجيابيات وسلبيات والبر كمان

مرسل: **الأربعاء يناير 06, 2010 4:36 pm**

شكرا الك صديقي علي عالتوضيح بس منشان العلم يعني انت عم تاجل خدمة العلم على اساس عقد عمل لان بعرف ناس عم تاجلالجيش وبتسافر بالبحر على اساس ورقة من الاكادمية وموقعة من السفارة السورية بمصر وبيجي الواحد بقدمها لشعبة التجنيد بسوريا لحتى ينقبل التاجيل بحجة انو هو لسا عم يسافر بالبحر من اجل اخدمة بحرية لحتى يخضع لدورات الضابطالاول شيف اوفيسير ان كان ملاحة او دورات للمهندس الثالث b او المهندس الثاني ممكن توضيح ازا عندك فكرة

مرسل: **الأربعاء يناير 06, 2010 4:37 pm**

صديقي العزيز الشهادة المصرية ما بدها تعديل هون بسوريا لانو معترف عليها بس بتاخد من الموانئ شهادة ترقية وهيي عبارة مصادقة على شهادتك المصرية ومنشان العلم السوري كمان اما بالنسبة للتوظيف فهي عبارة عن عقود متل مصب النفط ببانياس مثلا او الارشاد بالمرفأ
واذا عندك واسطة بتنحط وين ما بدك بس بشكل عام مجالك محدود بالارشاد او مثلا الكشف على السفن يلي بترفع سوري اذا معك شهادة سورفيه وبالنهاية البحر الو اجيابيات وسلبيات والبر كمان

كلام صحيح

علي هنا ان اوضح نقطة: هناك فرق بين شهادة الخضوع لدورة تأهيلية و التي تمنحها المؤسسات التعليمية التي قد تكون حكومية او خاصة (مثل الاكاديمية) و التي تفيد بأن الدارس قد انهى دورة و الشهادة التأهيلية التي تخول حاملها لشغل وظيفة ما على متن السفينة و التي يجب ان تمنحها حكومة و ليس مؤسسة تعليمية

هلق اللي عميصير اننا نخضع للدورة في الاكاديمية و نحصل على شهادتها التي يمكن لنا ان نقدمها لسلطة الموانئ و المنائر المصرية للحصول على الشهادة الاهلية و التي بدورها يجب ان تقدم لسلطة علم السفينة التي سنعمل عليها للحصول على شهادة اعتراف Endorsment

مرسل: **الأربعاء يناير 06, 2010 4:38 pm**

شكرا الك صديقي على عالتوضيح بس منشان العلم يعني انت عم تاجل خدمة العلم على اساس عقد عمل لان بعرف ناس عم تاجلالجيش وبتسافر بالبحر على اساس ورقة من الاكادمية وموقعة من السفارة السورية بمصر وبيجي الواحد بقدمها لشعبة التجنيد بسوريا لحتى ينقبل التاجيل بحجة انو هو لسا عم يسافر بالبحر من اجل اخدمة بحرية لحتى يخضع لدورات الضابط الاول ان كان ملاحة او دورات للمهندس الثالث b او المهندس الثاني ممكن توضيح ازا عندك فكرة

مرسل: **الأربعاء يناير 06, 2010 4:40 pm**

انا خلصت خدمة العلم من زمان, فيني فيدك بهالموضوع بس خبرني انت شو عمتدرس؟

مرسل: **الأربعاء يناير 06, 2010 4:41 pm**

صديقي عم ادرس هندسة بحرية بجامعة تسرين

وشكرا الك صديقي الاوغاريتي على هالمعلومات الدقيقة والواضحة والشرح الدقيق والمفيد

مرسل: **الأربعاء يناير 06, 2010 4:41 pm**

العمل في البحر ام بوظيفة حكومية؟؟ .... إنه من أكثر الأسئلة التي أسألها لنفسي يومياً ... لي عودة مع شوية حكي !!

مرسل: **الأربعاء يناير 06, 2010 5:06 pm**

وين العالم نامت يا شباب

توضيح منشان خدمة العلم ؟

مرسل: **الأربعاء يناير 06, 2010 5:07 pm**

Christopher Columbus كتب:صديقي عم ادرس هندسة بحرية بجامعة تسرين

وشكرا الك صديقي الاوغاريتي على هالمعلومات الدقيقة والواضحة والشرح الدقيق والمفيد

بالطبع تستطيع التأجيل طالما انك على مقاعد الدراسة, بعد التخرج سوف تذهب الى مصر للحصول على شهادة تأهيلية (دورة مهندس ثاني) عندها عليك التسجيل تحت اشراف وزارة التعليم العالي بابراز مصدقة دراسية و افادة من الاكاديمية لوزارة التعليم العالي و شعبة تجنيدك مصدقة اصولا من الخارجية المصرية و السفارة السورية في القاهرة و من ثم الخارجية السورية في دمشق

يمكنك التأجيل بهذه الطريقة حتى انتهاء الدراسة على ان لا يتجاوز سنك 32 سنة (مع الدراسات العليا)

هلق طلع قانون التجنيد الجديد الذي يسمح للمغتربين في اي مكان (الخليج, الدول العربية و الاجنبية و البحر) لمدة 5 سنوات بدفع مبلغ 6500 دولار امريكي

لذلك انصح الجميع بالحرص على جمع السنوات الخمسة (اقامة في مصر او غيرها من الدول او خدمة بحرية)

مرسل: **الأربعاء يناير 06, 2010 5:08 pm**

Bahreya كتب:العمل في البحر ام بوظيفة حكومية؟؟ .... إنه من أكثر الأسئلة التي أسألها لنفسي يومياً ... لي عودة مع شوية حكي !!

يالله بانتظارك

مرسل: **الأربعاء يناير 06, 2010 5:08 pm**

Christopher Columbus كتب:وين العالم نامت يا شباب توضيح منشان خدمة العلم ؟

انا صاحيلك

مرسل: **الأربعاء يناير 06, 2010 5:12 pm**

شكرا صديقي الاوغاريتي والله يديمك ذخر لهالموقع ومنشان دفع البدل على علمي لازم يكون عندك اقامة خمس سنوات في بلد الاغتراب طبعا ضمن دول الخليج ولكن في دول اروربا اظن ان عدد سنوات الاقامة اكثر من خمسة وعلى حد علمي لا يعتبر السفر بالبحر كمثابة افامة في دولة ما اي لا يستطيع الشخص دفع بدل حتى لو ضل يسافر عشر سنين بالبحر ( يعني بترجع من البحر بتستناك العسكرية مباشرة )

الهندسة البحرية

العمل في البحر أم بوظيفة حكومية ؟

العمل في البحر أم بوظيفة حكومية ؟

Re: على متنها بحّار سوري يدعى سامر صالح ..غرق سفينة شحن

Re: على متنها بحّار سوري يدعى سامر صالح ..غرق سفينة شحن

Re: على متنها بحّار سوري يدعى سامر صالح ..غرق سفينة شحن

Re: على متنها بحّار سوري يدعى سامر صالح ..غرق سفينة شحن

Re: على متنها بحّار سوري يدعى سامر صالح ..غرق سفينة شحن

Re: على متنها بحّار سوري يدعى سامر صالح ..غرق سفينة شحن

Re: العمل في البحر ام بوظيفة حكومية؟؟

Re: العمل في البحر ام بوظيفة حكومية؟؟

Re: العمل في البحر ام بوظيفة حكومية؟؟

Re: العمل في البحر ام بوظيفة حكومية؟؟

Re: العمل في البحر ام بوظيفة حكومية؟؟

Re: العمل في البحر ام بوظيفة حكومية؟؟

Re: العمل في البحر ام بوظيفة حكومية؟؟

Re: العمل في البحر ام بوظيفة حكومية؟؟

Re: العمل في البحر ام بوظيفة حكومية؟؟

Re: العمل في البحر ام بوظيفة حكومية؟؟