مهندس بحري أم ضابط سطح ؟؟

هل سافرت سابقاً ؟ ما هي الصعوبات التي واجهتها ؟ ... هذه الساحة للنقاش حول العمل البحري بمختلف أشكاله .
تسوق اكسسوارات وقطع غيار القوارب معدات صيد معدات غطس

صورة العضو الرمزية
Bahreya
مدير الموقع
مدير الموقع
مشاركات: 1217
اشترك في: السبت فبراير 24, 2007 10:27 am

مهندس بحري أم ضابط سطح ؟؟

مشاركة بواسطة Bahreya » السبت فبراير 13, 2010 1:47 pm

هل تفضل العمل كمهندس بحري أم ضابط سطح ... بالتأكيد كل منا له رأيه الخاص , لكن على ماذا بنيت رأيك ؟ أي بماذا يختص كل من المهندس البحري و ضابط السطح ؟ و ما عمل كل منهما على السفينة ؟ أين يتقاطع عملهما ؟

ما مسؤولية كل منهما عند حدوث أي خلل في عمل السفينة ؟

تسوق اكسسوارات وقطع غيار القوارب معدات صيد معدات غطس

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: مهندس بحري أم ضابط سطح ؟؟

مشاركة بواسطة ugaritian » السبت فبراير 13, 2010 2:54 pm

ايواااااااااااااااااااااااااااااااااا
صورة


بدك تبلش فيني لكان

من ناحية العرض و الطلب فاطلب على المهندسين البحريين اكبر بكثير من الطلب على ضباط الملاحة و لو ذلك لا يعني قلة الطلب على الضباط لكنهم مطلوبون ايضا

من ناحية المستقبل المهني: نهاية ضابط السطح ان يصبح ربانا و نهاية الربان ان يصبح مدير في شركة, و نهاية المهندس البحري ان يصبح كبير مهندسين و نهاية ك م ان يصبح ايضا مدير في شركة لكن المهندس يبقى مهندسا و عضوا في نقابة المهندسين اما القبطان فهو ليس عضو في اية نقابة

من ناحية العمل على السفينة لكل عمله شبه المستقل و لكن تحدث تقاطعات كثيرة جدا لا يتسع المكان لذكرها قد اذكر لكم بعضها على شكل امثلة:

كبير الضباط مسؤولين غسيل العنابر بعد التفريغ لتجهيزها للشحنة القادمة, سوف يطلب ماء على خط الحريق لاستخدامه في غسيل العنبر (يطلبه من المهندس المناوب) و عند الانتهاء من الغسيل سيطلب سحب السنتينا لتفريغ الماء المتجمع من عملية الغسيل (يطلب ذلك ايضا من المهندس المناوب) و قد ياتي الخلاف في هذا التقاطع بان يحوي الماء المتجمع على شوائب كبيرة مما قد يسد خطوط سحب السنتينا او يضر الطرمبة

سحب او ضخ البالاست (الصابورة) يأتي الامر من الضابط الاول او الربان الى غرفة الماكينات بسحب او ضخ الخزان الفلاني (عادة يكون رقم و موقع يمين او شمال السفينة) و من الممكن ان يصل الامر بشكل خاطئ او ان يفهم بشكل خاطئ مما قد يتسبب بكارثة (ماذا لو اراد الربان ان يضخ خزان يميني ليعدل سفينة مائلى على اليسار فيتم تنفيذ الامر بشكل عكسي و يملئ الخزان الشمالي)

بشكل عام فان عمل كلا من الضباط و المهندسين متقاطع بشكل يوميفي كافة المجالات عدا المجالات شديدة الاختصاص مثل:

ليس عمل المهندس البحري ان يحدد موقع السفينة على الخريطة او ان يتفادى الاصطدام مع السفن المحيطة و في نفس الوقت ليس عمل الضابط ان يشغل طرمبة البالاست او ان يصلحها هو يعطي الامر بتشغيلها فقط

صورة العضو الرمزية
Bahreya
مدير الموقع
مدير الموقع
مشاركات: 1217
اشترك في: السبت فبراير 24, 2007 10:27 am

Re: مهندس بحري أم ضابط سطح ؟؟

مشاركة بواسطة Bahreya » الاثنين فبراير 15, 2010 1:30 pm

توقعت أن يثير هذا الموضوع ضجة كبيرة في الموقع .. لكن يبدو أن غيابي أثر على ذلك سلباً !
على كل أبو العبد أجاب عن التساؤلات تماماً فلم يترك لي توضيح شيء !

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: مهندس بحري أم ضابط سطح ؟؟

مشاركة بواسطة ugaritian » الاثنين فبراير 15, 2010 1:36 pm

و الله و انا ايضا توقعت ان يثير هذا الموضوع جدلا كبيرا و اصدقك القول اني نسيته لولا انك ذكرتني به الان

حتى اني قرأت مشاركتي و قد نسيت تماما ما كتبته فيها
و قد ياتي الخلاف في هذا التقاطع بان يحوي الماء المتجمع على شوائب كبيرة مما قد يسد خطوط سحب السنتينا او يضر الطرمبة
و سبب الخلاف انه على طاقم المكنة ان تجري الاصلاحات المطلوبة في حال انسداد خطوط السحب او تعطل الطرمبة

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: مهندس بحري أم ضابط سطح ؟؟

مشاركة بواسطة Christopher Columbus » الاثنين فبراير 15, 2010 2:00 pm

اكيد المسا بدنا نحكي بها لوضوع بس كنت مستعجل وما لحقت اكتب شي

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: مهندس بحري أم ضابط سطح ؟؟

مشاركة بواسطة Christopher Columbus » الثلاثاء فبراير 16, 2010 12:06 am


والله امنيتي اني كون ضابط سطح وعلى فكرة شغل الملاحة ممتع جدا جدا وسالو ابوالعبد
ولو كان في عملة كافية كنت سجلت بلاكادمية ملاحة
على كل كما يقولون الخيرة فيما اختاره الله والواحد ما بياكل غير نصيبو
طبعا هالحكي ما بيعني انو عمل المهندس البحري سيء او انو مكروه ويمكن الواحد بعاني اول فترة بيطلعا بالبحر كونو طالع بلا رتبة يعني مو ضابط عم يطلع بحري او زيات
والا لما بصير للواحد رتبة بصير محط مسؤولية اكتر والو كلمة عالسفينة يعني من اخرو رياحة نفسية
وطبعا اول ما بيطلع الواحد بدو يطلع زيات وبكل فخر
ومهمة الزيات كالتالي السفينة وهيي بعرض البحر بصير نظام ورديات للعمل اما
ست ساعات عمل وست ساعات رياحة طبعا للسفن اللي خطا قريب بالمتوسط يعني علبنان ومصر وتركيا
طبعا ازا سفن خطا بعيد بكون النظام اربع ساعات وردية عمل وتمن ساعات راحة
ومهمة الزيات بعرض البحر اهم شي المراقبة مراقبة درجة حرارة العادم (غازات الاحتراق)ومراقبة حرارة مياه التبريد طبعا هالشغلات مراقبة كلا للمحرك الرئيسي
ولمولادات الكهربا اللي عمتزود الطاقة
وكمان حرارة مياه البحر المستخدمة لتبريد المياه الحلوة المستخدمة لتبريد المحرك
راقب ضغط الزيت وبدك تقيس مستوى الزيت كل فترة لتتاكد انو المحرك ما عم يحرق زيت وتعوض النقص بالزيت
وكمان لازم تراقب مستوي الفيول اللي عم يغزي المكنة الرئيسية احسن ما تنطفي وازا نقصت كمية الفيول لازم تشغل مضخة السحب من الخزان الرئيسي الى السوبريتور (منقي الفيول ) الى الخزان اليومي اللي بتستهلك منوالمكنة الرئيسية والمولدات او فورا بتخبر الضابط المناوب معك
طبعا شباب بدو يمسح الواحد يعني بيخلقولك شغل من تحت الارض طبعا بكل وردية لازم يكون مع الزيات ضابط مناوب واي مشكلة بتصير من ارتفاع حرارة او نقص زيت او اي شي فورا عالسريع بتخبر الضابط المناوب معك اما مهندس تالت او مهندس تاني
وبكون قاعد بغرفة الكونترول للمكنة عم يدخن صورة

وقدامو لوحة هالتحكم اللي بتعطي جميع الموشرات للمكنة وبغط لعند الزيات كل شوية والتانية يعني بصراحة وردية المهندس البحري برتبة بتكون مريحة
وهادا شغل المهندس البحري خلال عرض البحر يعني تعب عضلي ما في
الا ازا صار مشاكل بعرض البحر يعني عطل المحرك الرئيسي او عطلت شي مولدة هون الكل بدو يشتغل لتنحل المشكلة
هادا شغل الزيات والضابط بعرض البحر
بس توصل السفينة عالمرفا يعني توقف بالياطر او عالرصيف بالمرفا ببلش نظام جديد للزيات والضابط
بصير شي اسمو عند الزيات نظام الوتشية يعني مناوبة 12 ساعة من الستة العصر للستة الصبح هون شغلو تمسيح وتنضيف ومراقبة الجنيراتور
ومن الستة الصبح بنام للساعة 12 الضهر بروح بيطلع وردية للستة العصر وبعدين بيرتااااااااااااااح لتاني يوم الستة الصبح لانو بتكون وتشية الزيات التاني
وهيك فيه بينزل عالمدينة اللي هني فيها وبزورها بعد ما ياخد الشورباص (اذن بزيارة المدينة )ورقة بتنعطى من الامن العام للمرفا
طبعا شغل الضابط الميكانيكي بكون الساعة 8 الصبح للساعة 5 المسا ازا في اعطال بالمحرك بصلحوها او اي شي بدو صيانة بيعملوه وهيك بكون معو وقت فراغ يوميا من الخمسة المسا لتاني يوم الصبح وهيك الضباط بينزلو يوميا عالبر صورة

طبعا بصير تقاطع بالعمل بين ضباط الملاحة وضباط الميكانيك
متل ما حكا ابو العبد ازا السفينة مفرغة وبدها تسافر بيعطي امر القبطان بتعباية البلص وهون من مهمة المهندس تعباية البلصوعلى فكرة فيها مسؤؤولية والخطا هون كارثة
كمان مسؤؤول المهندس لما بدا الباخرة تدخل عالرصيف بنفذ اوامر القبطان بزيادة السرعة او نقصانا
dead slow
slow
half
full
وعلاغلب الشيف انجنير هو اللي بقوم بالمهمة لانو كمان خطرة كتير ببعض الاحيان بتصير اخطاء وبتضرب البوابير ببعضا
طبعا بكون القبطان مخبر جماعة المكنة انو هلا بدهن يدخلو عالرصيف حضرو المكنة تحت للاقلاع
وكمان مسؤؤول المهندس عن اعطاء الكهربا للاوناش الامامية والخلفية لما بدها تدخل الباخرة عالرصيف
وبقلولو بلغة البحر ان ما خاب ظني لما بدها تدخل السفينة عالرصيف مصطلح ( صطمباية )
وكمان في شغلة بعلموه الضباط ياها للزيات اول ما بيجي بلاضافة للتمسيح صورة
وهيي عملية التعشيق بين المولادت او نقل الحمولة من مولدة لتانية وهي كمان كتير مهمة ولازم الواحد يكون يعرفها وخصوصا الزيات
شباب البحر متعة وخصوصا ازا تاقلم الواحد مع جو البحر وسوسة من الصعب ان يتركها الشخص
اخدني الحكي ونسيت حالي بس ما في احلى من قصص البحر
صورة صورة

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: مهندس بحري أم ضابط سطح ؟؟

مشاركة بواسطة ugaritian » الثلاثاء فبراير 16, 2010 12:12 am

يحرق حريشك يا كريس عهالمشاركة الدسمة

كلشي احكيتو صح

هادي بيقولولها الجهالة اصطنباي و هي كلمة مشتقة من ااتعبير الانكليزي استاند باي stand by

و تعني الجاهزيية او الاستعداد

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: مهندس بحري أم ضابط سطح ؟؟

مشاركة بواسطة Christopher Columbus » الثلاثاء فبراير 16, 2010 12:15 am

ugaritian كتب:يحرق حريشك يا كريس عهالمشاركة الدسمة

كلشي احكيتو صح

هادي بيقولولها الجهالة اصطنباي و هي كلمة مشتقة من ااتعبير الانكليزي استاند باي stand by

و تعني الجاهزيية او الاستعداد
جايتني كريزة بحر صورة صورة صورة

لازمني جرعة بحر فرغتا بهالمشاركة الدسمة

صورة العضو الرمزية
Bahreya
مدير الموقع
مدير الموقع
مشاركات: 1217
اشترك في: السبت فبراير 24, 2007 10:27 am

Re: مهندس بحري أم ضابط سطح ؟؟

مشاركة بواسطة Bahreya » الثلاثاء فبراير 16, 2010 2:29 am

يا زلمة !!!!
يعني مشاركة مستفيضة جداً تشكر عليها .. لكن أطلب منك مراجعة القسم الأول فيها لعلك أخطأت بين المهندس و الضابط أو ذكرت أحدهما بدل الآخر أكثر من مرة !

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: مهندس بحري أم ضابط سطح ؟؟

مشاركة بواسطة Christopher Columbus » الثلاثاء فبراير 16, 2010 2:38 am

Bahreya كتب:يا زلمة !!!!
يعني مشاركة مستفيضة جداً تشكر عليها .. لكن أطلب منك مراجعة القسم الأول فيها لعلك أخطأت بين المهندس و الضابط أو ذكرت أحدهما بدل الآخر أكثر من مرة !
اهلا بالمعلم بحرية بربي شتقنالك نشاء الله يكون كلو خير
صديقي المهندس برتبة
يعني مهندس ثالث او مهندس ثاني
نقول ايضا عنهم بانهم ضباط
يعني الضباط قسمين
ضابط سطح
وضابط ميكانيك
يعني كلمة الضابط دلالة على رتبة
اما ميكانيكية (هندسية )
ـو ملاحية (ضابط ملاح )
0

صورة العضو الرمزية
Bahreya
مدير الموقع
مدير الموقع
مشاركات: 1217
اشترك في: السبت فبراير 24, 2007 10:27 am

Re: مهندس بحري أم ضابط سطح ؟؟

مشاركة بواسطة Bahreya » الثلاثاء فبراير 16, 2010 2:45 am

اي هيك وضح الأمر !! ... تشتقلك العافية كريستوف , ما في شي الا الخير الحمدلله ..

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: مهندس بحري أم ضابط سطح ؟؟

مشاركة بواسطة ugaritian » الثلاثاء فبراير 16, 2010 4:37 pm

ابو العبد يجري عملية انعاش للموضوعصورة

صورة العضو الرمزية
Christopher Columbus
مشارك أساسي
مشارك أساسي
مشاركات: 337
اشترك في: الجمعة أغسطس 07, 2009 6:11 pm

Re: مهندس بحري أم ضابط سطح ؟؟

مشاركة بواسطة Christopher Columbus » الثلاثاء فبراير 16, 2010 4:42 pm

صورة صورة صورة صورة صورة صورة

صورة صورة صورة صورة صورة صورة

صورة صورةصورةصورةصورةصورةصورةصورةصورة ما شايف الموضوع ختنق وراح فيها

صورة العضو الرمزية
Bahreya
مدير الموقع
مدير الموقع
مشاركات: 1217
اشترك في: السبت فبراير 24, 2007 10:27 am

Re: مهندس بحري أم ضابط سطح ؟؟

مشاركة بواسطة Bahreya » الثلاثاء فبراير 16, 2010 11:45 pm

هلا السؤال الأكبر الذي يطرحه كثر : من كلمته أعلى كبير المهندسين أم القبطان ... و سأجيب عليه حسب رأيي و معرفتي : كل منهما له كلمة في مجال مختلف عن الآخر فالقبطان قانونياً هو ممثل صاحب السفينة عليها فهو مالك البضاعة و له حق طلب اللجوء الى ميناء ( في حالة الكوارث ) أو الاستعانة بالميناء .... إلخ

أما كبير المهندسين فله الكلمة العليا فيما يخص المكنات و الحالة الفنية للسفينة ... فهل أنا محق ؟

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: مهندس بحري أم ضابط سطح ؟؟

مشاركة بواسطة ugaritian » الأربعاء فبراير 17, 2010 12:36 am

Bahreya كتب:هلا السؤال الأكبر الذي يطرحه كثر : من كلمته أعلى كبير المهندسين أم القبطان ... و سأجيب عليه حسب رأيي و معرفتي : كل منهما له كلمة في مجال مختلف عن الآخر فالقبطان قانونياً هو ممثل صاحب السفينة عليها فهو مالك البضاعة و له حق طلب اللجوء الى ميناء ( في حالة الكوارث ) أو الاستعانة بالميناء .... إلخ

أما كبير المهندسين فله الكلمة العليا فيما يخص المكنات و الحالة الفنية للسفينة ... فهل أنا محق ؟
الحالة الفنية للماكينات و ليس كل السفينة

صورة العضو الرمزية
Bahreya
مدير الموقع
مدير الموقع
مشاركات: 1217
اشترك في: السبت فبراير 24, 2007 10:27 am

Re: مهندس بحري أم ضابط سطح ؟؟

مشاركة بواسطة Bahreya » الأربعاء فبراير 17, 2010 12:39 am

في حالة تعرض البدن لضرر من المسؤول ؟؟ في حالة تغريق أحد القطاعات أيضاً ؟؟ و في حالة نشوب حريق ... إلخ ؟

صورة العضو الرمزية
ugaritian
قبطان
قبطان
مشاركات: 951
اشترك في: الجمعة نوفمبر 06, 2009 2:12 pm

Re: مهندس بحري أم ضابط سطح ؟؟

مشاركة بواسطة ugaritian » الأربعاء فبراير 17, 2010 12:45 am

الربان