صفحة 2 من 2

Re: مهندس بحري أم ضابط سطح ؟؟

مرسل: الأربعاء فبراير 17, 2010 12:55 am
بواسطة Bahreya
نحن في الجامعة درسنا حالات تغريق عدة قطاعات في السفينة و الحالات الخاصة لها و كيف ندرس اتزانها في هذه الحالات كلها ... يعني خسارة ما رح نستخدم هالمعلومات !!

Re: مهندس بحري أم ضابط سطح ؟؟

مرسل: الأربعاء فبراير 17, 2010 1:04 am
بواسطة ugaritian
Bahreya كتب:نحن في الجامعة درسنا حالات تغريق عدة قطاعات في السفينة و الحالات الخاصة لها و كيف ندرس اتزانها في هذه الحالات كلها ... يعني خسارة ما رح نستخدم هالمعلومات !!

نحنا كمان بالاكاديمية ادرسنا جميع حالات التغريق وكان ذلك جزئ رئيسي وهام من منهاج اتزان السفن في دورة ضابطط اول

و يا سيدي الله لا يحوجك لمسالة التغريق

انا عن نفسي ما احتجتها

هلق لنكون منطقيين ما المهم حل مسالة التغريق بل المهم هو الشعور بالسفينة عندما يتم تغريق احد قطاعاتها بحيث يتم التعامل مع ذلك القطاع على انه فقد من السفينة و تاثير ذلك على اتزانها

Re: مهندس بحري أم ضابط سطح ؟؟

مرسل: الأربعاء فبراير 17, 2010 1:24 am
بواسطة damascus
شباب أنا صاحة لي سفرة ميكانيكي براتب جيد وأفكر بالسفر هذه الفترة دون تنزيل مواد والسفينة جيدة موديل جيد دكمة 1986 يابانية وأتوقع أنه حل جيد السفرة حوالي 8 أشهر في الخليج والراتب جيدجدا شو رأيكم
بيني وبينكم الحالة تعبانة ياليلى وما قلت لكم أنا أصرف على نفسي ولاأتقاضى من أهلي أي قرش بل العكس أحيانا وأنا سعيد بذلك
لذلك تأجيل المواد شغلة موصعبة موهيك شباب
رأيكم يهمني بس بدي اقول للجميع وأعتقد أن أبو العبد الأوغاريتي معي

حاجي نق اجمعوا معلومات واتخرجوا وبوشكم على البحر البحر رائع وكريم وكام سنة بجد 10-15 سنة تجمع فيها مبلغ غير شكل وبيرفع الراس وترتاح بعدين ولاتفكر بالبر قبل 15 سنة والتعب والإحباط والسوداوية سترافقك أول سنة فقط (دورة أغرار)
البحر جميل ورائع وكريمممممممممممممممممممممممم


Re: مهندس بحري أم ضابط سطح ؟؟

مرسل: الأربعاء فبراير 17, 2010 1:29 am
بواسطة ugaritian
الافضل ان تنهي دراستك و تسافر بشهادتك على ان تسافر زيات الا اذا اجبرتك الظروف على غير ذلك

Re: مهندس بحري أم ضابط سطح ؟؟

مرسل: الأربعاء فبراير 17, 2010 1:32 am
بواسطة Bahreya
و أنا أؤيد الأوغاريتي في ذلك ... نزل مادتين و ارتاح منهم طبعاً إلا إذا ظروفك المادية أجبرتك على السفر فهنا لا أحد يلومك على خيارك !

Re: مهندس بحري أم ضابط سطح ؟؟

مرسل: الأربعاء فبراير 17, 2010 3:15 am
بواسطة Christopher Columbus
راييي من راي الشباب صورة


Re: مهندس بحري أم ضابط سطح ؟؟

مرسل: الخميس مارس 03, 2011 12:54 pm
بواسطة غدّار يابحر
Christopher Columbus كتب:
وطبعا اول ما بيطلع الواحد بدو يطلع زيات وبكل فخر
ومهمة الزيات كالتالي السفينة وهيي بعرض البحر بصير نظام ورديات للعمل اما
ست ساعات عمل وست ساعات رياحة طبعا للسفن اللي خطا قريب بالمتوسط يعني علبنان ومصر وتركيا
طبعا ازا سفن خطا بعيد بكون النظام اربع ساعات وردية عمل وتمن ساعات راحة
ومهمة الزيات بعرض البحر اهم شي المراقبة مراقبة درجة حرارة العادم (غازات الاحتراق)ومراقبة حرارة مياه التبريد طبعا هالشغلات مراقبة كلا للمحرك الرئيسي
ولمولادات الكهربا اللي عمتزود الطاقة
وكمان حرارة مياه البحر المستخدمة لتبريد المياه الحلوة المستخدمة لتبريد المحرك
راقب ضغط الزيت وبدك تقيس مستوى الزيت كل فترة لتتاكد انو المحرك ما عم يحرق زيت وتعوض النقص بالزيت
وكمان لازم تراقب مستوي الفيول اللي عم يغزي المكنة الرئيسية احسن ما تنطفي وازا نقصت كمية الفيول لازم تشغل مضخة السحب من الخزان الرئيسي الى السوبريتور (منقي الفيول ) الى الخزان اليومي اللي بتستهلك منوالمكنة الرئيسية والمولدات او فورا بتخبر الضابط المناوب معك
طبعا شباب بدو يمسح الواحد يعني بيخلقولك شغل من تحت الارض طبعا بكل وردية لازم يكون مع الزيات ضابط مناوب واي مشكلة بتصير من ارتفاع حرارة او نقص زيت او اي شي فورا عالسريع بتخبر الضابط المناوب معك اما مهندس تالت او مهندس تاني
وبكون قاعد بغرفة الكونترول للمكنة عم يدخن صورة

وقدامو لوحة هالتحكم اللي بتعطي جميع الموشرات للمكنة وبغط لعند الزيات كل شوية والتانية يعني بصراحة وردية المهندس البحري برتبة بتكون مريحة
وهادا شغل المهندس البحري خلال عرض البحر يعني تعب عضلي ما في
الا ازا صار مشاكل بعرض البحر يعني عطل المحرك الرئيسي او عطلت شي مولدة هون الكل بدو يشتغل لتنحل المشكلة
هادا شغل الزيات والضابط بعرض البحر
بس توصل السفينة عالمرفا يعني توقف بالياطر او عالرصيف بالمرفا ببلش نظام جديد للزيات والضابط
بصير شي اسمو عند الزيات نظام الوتشية يعني مناوبة 12 ساعة من الستة العصر للستة الصبح هون شغلو تمسيح وتنضيف ومراقبة الجنيراتور
ومن الستة الصبح بنام للساعة 12 الضهر بروح بيطلع وردية للستة العصر وبعدين بيرتااااااااااااااح لتاني يوم الستة الصبح
طبعا شغل الضابط الميكانيكي بكون معو وقت فراغ يوميا من الخمسة المسا لتاني يوم الصبح وهيك الضباط بينزلو يوميا عالبر صورة

وكمان في شغلة بعلموه الضباط ياها للزيات اول ما بيجي بلاضافة للتمسيح صورة



كريستوفر كولومبوس .....

الظاهر انك عم تعاني كتير من شغلة الزيات هههههه ...وطالع خلقك من الضباط .... ... اي كل مين وعندو شغلة يازلمة روقنا شوي شبك هاك ...

الحمدلله .... ماجربت هالشعور انا وماسافرت زيات ... على طول طلعت تالت انجنير على ببور 18 الف .

Re: مهندس بحري أم ضابط سطح ؟؟

مرسل: الأربعاء يناير 04, 2012 8:21 pm
بواسطة جلال كريم
ان لكل شخص رأيه الخاص به ومتعت العمل ضمن اختصاصه الذي يحب العمل فيه .

Re: مهندس بحري أم ضابط سطح ؟؟

مرسل: الأربعاء أغسطس 29, 2012 10:47 pm
بواسطة sharq
شباب
انا شاب اريد العمل فى البحر زيات
ما الشروط الواجبة فى هذة الوظيفة
انا مؤهلى الدراسى دبلوم صناعي قسم الكترونيات وكمبيوتر
سنى 28 عام

يوجد سؤالين
اولهما . ما راتب الزيات ؟ وما راتب فنى الكهرباء؟؟
الثانى هل مرض السكر يمنع من استخراج الجواز البحري ؟
ارجو ان تتقبلو مرورى

Re: مهندس بحري أم ضابط سطح ؟؟

مرسل: السبت فبراير 22, 2014 5:37 pm
بواسطة البلام
السلام عليكم
اني عضو جديد وسعيد بالانضام اليكم
الموضوع شيق جدا
لكن برأيي المهندس والربان واحد بيكمل الاخر
ويجب ان تكون العلاقة مبنية ع الاحترام والثقة القوية
لكن رئيس المهندسين بامكانوا يقود الباخرة في حالة الضرورة
لكن الربان مابيقدر يقوم بمهام الجيف انجنير ...والا شو رايكم
تصدقواني رئيس مهندسين لكن الان لدي اشراف على بناء باخرة مسح ..واني ممشتغل بالمسح ابدا
مين يدري ربما يعجبني المسح واكون مساح ؟؟
تحياتي للجميع