أمجاد العرب بالعلوم البحرية

[عاشق البحر]

الله يرحم جدي وجدك اللي كانو ملاك العالم طبعا بالعلم والثقافة وللأطلاع على بعض الأمجاد شوف هالكتاب:

[Eng.Lojain]

ذكرتني بأمجادي بكتب التاريخ بصف السابع و الثامن
ع كل نحنا العرب ياحسرة ما عنا شي نفخر فيه غير.................... (تاريخنا)

[M.E. Aous]

بس انا بحب قلك يا بلا ولا شي
انو الي ما الو ماضي ما الو حاضر ولو انو نحنا بهالفترة بحالة ركود فكري و حضاري
بس متل ما بيقول المتل : يوم الك ويوم عليك مش كل يوم معاك

[Bahreya]

بالنسبة للكتاب ... فهو من سلسلة عالم المعرفة الكويتية و هو كتاب قيم , تأليف د . أنور عبد العليم

أما بالنسبة لـ

اللي ما الو ماضي ما الو حاضر

يا ترى أمريكا عندها ماضي ؟؟؟؟ عندها حضارة ؟؟؟ الجواب : لا
هل عندها حاضر ؟؟؟ نعم

بس نحنا حتى نواسي أنفسنا منقول : اللي ما الو ماضي ما الو حاضر

[M.E. Aous]

بس انا برد عليك لقلك انو السكان الاصليين ما الهن ماضي معروف
والسكان الجدد ماضيهم معروف وهم الذين قاموا بهذه الحضارة
ومع ذلك كانت هشة لدرجة انها بدات بالتهاوي عند اول هزة مالية
ولمعلوماتك ان الحضارات القديمة التي ازدهرت دامت اضعاف مادامته هذه الحضارة المستعارة
وحققت انجازات لايمكن نسيانها

[Eng.Lojain]

يا قرش يا أسود
صرلنا100سنة شغلنا الشاغل (الفخر) (بأمجادنا) و (فتوحاتنا)
برأيك لو بدنا نفيق ما كنا فقنا......مو لهلا........... ؟
بعدين أنا شايف أنو الوضع في تدهور مستمر شوف عقول الشباب لوين عم تتجه ولوين رح توصل؟
أنا ما بنكر أنو ان خليت خربت بس الخلاء عم يسود ارجاء الوطن العربي شوي شوي و بأكدلك انو اكتر من هيك انحطاط مارح نوصل....

[Bahreya]

بس انا برد عليك لقلك انو السكان الاصليين ما الهن ماضي معروف
والسكان الجدد ماضيهم معروف وهم الذين قاموا بهذه الحضارة
ومع ذلك كانت هشة لدرجة انها بدات بالتهاوي عند اول هزة مالية
ولمعلوماتك ان الحضارات القديمة التي ازدهرت دامت اضعاف مادامته هذه الحضارة المستعارة
وحققت انجازات لايمكن نسيانها

... طيب ... السكان الأصليين ( حضارات المايا و الأنكا و غيرها ... ) و الذين أبيدو على يد الأوروبيين كانت لديهم حضارة و الأوربيون قضوا عليها ... متفق معي لهون ؟
السكان الحاليون ... من هم ؟ من أين أتوا ؟ من كل أصقاع الأرض .... هل لهم تاريخ واحد ؟؟؟ هل لهم حضارة واحدة ؟؟؟؟ لا

الحضارات القديمة حققت انجازات لا أنكرها ... و الحضارة الحالية امتداد لها ( أقصد الحضارة العالمية و ليس حضارة أمريكا وحدها ) ... و هي - الحضارة الحالية ( العالمية كلها و الأمريكية لوحدها أيضاً ) - لم تنته ... و حققت من الإنجازات ما نعجز نحن العرب على تحقيقه في 50 عام قادمة - ان لم يكن أكثر - ...

و للأسف لا أرى بقعة ضوء في نهاية النفق المظلم !!