اخي الاوغاريتي تحياتي
بالنسية للجهود عنا للاسف ما فينا نعمل شي لانو ابسط تجهيزات مكافحة التلوث مو موجودة عنا ابتدائا من قوارب مكافحة التلوث ومعدات مكافحة التلوث والاهم من ذلك الكوادر المهيئة للتعامل مع هذه الحالات والقدرة على التخطيط ووضع خطة عمل منهجية لاسلوب المكافحة انا برأيي الشخصي يستعينوا بتركيا بهالموضوع لانو تركيا عندها امكانيات ضخمة جدا وكوادر هائلة
اخي الاوغاريتي شو منشان محطة الرادار الجديدة يلي بالمرقأ vts انو شو منشان اساتها منظر ولا مرة اسا شفتو عم يتحرك لا باللاذقية ولا بطرطوس
العمى في سماهون مو شي بيعقد اساتنا منفوت ومنزت الياطر ولا حدا بيحس عليك لتاني ليوم طيب بدون مراقبين رادار يعني مثلا جاهزين فورا
1. الكوادر: و هي نقطة شائكة تتعلق بعقلية الادارة في القطاع العام, و اكتفي...!!!
2. الامكانيات: الكلام حولها عبثي اذا لم تحل المشكلة الاولى, و بجميع الاحوال نعم تركيا من افضل الخيارات و لو ان الاتحاد الاوروبي بشكل عام و قبرص و اليونان بشكل خاص قطعت اشواط امام تركيا, و يتمنون مساعدتنا في هذا المجال, اهم شيئ بنظري ان لا ندق باب مصر و الا سنغني معها في الطاحون
ينطبق ما سبق على كل ما يهم قطاع النقل البحري:
1. البحث و الانقاذ
2. مكافحة التلوث
3. مراقبة السواحل VTS
الخ
بتعرف انك حطيت ايدك على الجرح لانو يا سيدي الكريم للاسف الشديد مثلما تفعل مصر نحن نفعل وكما تسير نحن نسير وكأننا جهلة ولا نعرف امورنا ولا ينقصنا الا مصر لتوجهنا
على فكرة مو بس بالقطاع البحري بكل شي انا برأيي نفك هالارتباط يلي ما الو معنا اما بالنسبة انو ليش ذكرت تركيا قلاعتبارات سياسية باعتبار نحنا دولة صديقة لتركيا وممكن تساعدنا بلا مقابل لهيك انا بعدت عن الاتحاد الاوروبي بس على فكرة تركيا بمجال التلوث تتفوق او تساوي اليونان يعني مو هالسهلة تركيا
اما منشان مراقبة السواحل vts وعمليات البحث والانقاذ ومكافحة التلوث والله عم نفخ انا وعم اكتبها يعني انشالله خير وعلى انتظار يصير عنا متلنا متل باقي الدول
هلق الخط الجديد المفتوح مع تركيا الو طابع استراتيجي, من حوالي شهر اجا زوارق دورية (بناء تركي) على مينا اللاذقية ممكن استخدامهم بالبحث و الانقاذ, بس مين بدو يسوق؟؟؟؟ باكدلك مافي كوادر بالمينا تعرف تتعامل مع هيك معدات, هلق في كوادر سورية على مستوى عالي من الكفاءة بالخليج و غيرو بس مين القبطان او الشيف انجنير اللي بدو يترك راتب بالاف الدولارات و يجي يتوظف بالمينا براتب لا يتجاوز 20 الف ليرة
الزوارق الجديدة هيي زورقين ومعك حق لايوجد كوادر بالنسبة لمن سوق يقود هذه الزوارق فنحن خريجي الاكادمية مؤهلين لهذه الامور
ولكن المزاحمات على الوظيفية والواسطات هي التي تمنع الكوادر المؤهلة من استلام العمل زعلى فكرة قائد الزورق ما رح يكون لا قبطان ولا شيف ولا سكند ولا تالت عبارة عن مجند عادي او مساعد حافظ هي لقدام وهي لورا طبعا هاد بيدخلنا لشق تاني طويل الحكي فيه انو هالشي عم يأثر على جاهزية المركب والزورق(بيهروه) ما رح نفوت بهيك سجال "؟,.:"
سيدي انشالله خير وما منتمنا غير نكون من احسن دول المتوسط بالمراقبة الساحلية والبحث والانقاذ
وما تزاخذوني على اخطائي الكتابية لانو ما عندي كيبورد عربي
Christopher Columbus كتب: شكرا الك صديقي علي عالتوضيح بس منشان العلم يعني انت عم تاجل خدمة العلم على اساس عقد عمل لان بعرف ناس عم تاجلالجيش وبتسافر بالبحر على اساس ورقة من الاكادمية وموقعة من السفارة السورية بمصر وبيجي الواحد بقدمها لشعبة التجنيد بسوريا لحتى ينقبل التاجيل بحجة انو هو لسا عم يسافر بالبحر من اجل اخدمة بحرية لحتى يخضع لدورات الضابط التالت ان كان ملاحة او دورات للمهندس الثالث b او المهندس الثاني ممكن توضيح ازا عندك فكرة
شباب خلونا شوي واقعيين وسأرد على نقاط أثارها الجميع ومنا:
معدات التلوث, ياأعزائي نملك معدات تلوث وزورق خاص بالتلوث ممتاز ومجهز وفق أحدث المعايير ولكن..........................لا يتحرك إلا!!!!! أي أننا نملك الإمكانيات ولكن..................
الزوارق السريعة للموانئ علمت من بعض الأصدقاء أنهم مجهزين بكل المعدات المتقدمة بالإضافة إلى الأتمتة التامة لها وسرعاتها الكبيرة وعلمت أن من سيقودها هم ضباط قيادة زوارق حربية سريعة (نظرا للحاجة إلى معرفة المناورة العسكرية السريعة وهذا لايتوفر في ربان السفن)
ليس كل مالدينا سيئ وليس كل ماعند الغريب ممتاز فلننظر إلى نصف الكأس الملآن أرجوووووووووووووووووووووووووكم سورية تستحق من أكثر من ذلك.
كمان اخوي الدمشقي نحنا بزمن وبايام تحتاج الى دخل شهري محترم ليقدر الانسان يحقق متطلبات الحياة الضرورية وصدقني وعم احكي واقع راتب الحكومة واللي الحمد لله عليه على كل حال لتمشي حالك فيه لاخر الشهر لا تنسى امام الشباب مسؤوليات زواج تكوين اسرة كل هالشغلات بتجتمع م ع بعضا لتخلي الشخص عنا من اول شبابو يفكر بالسفر والاغتراب لانو الفرص الاخرى اللي عم تنعرض عليه برواتب محترمة وبتخليه يختصر كتير فترات زمنية من حياتو وتمشي امورو ليقدر يبني نفسو
ارجو من مشرفبنا الكرام حذف المشاركات التي ليس لها صلة بالموضوع او نقلها الى مكان مناسب
يوم امس نزلت عند السمان اللي تحت البت لشراء بعض الحاجيات, كان حاطط التلفزيون عالمستقبل عرضين برنامج زافين اللي مستضيف احد الناجين من العبارة و هو لبناني, اسرعت بالصعود الى المنزل و للاسف لم الحق فقد كانت الفقرة في نهايتها, كل ما سمعته ان الناجي قد استعان بعجل يبقى طافيا و قد صرح ان العجل انقذ حياته
ارجو ممن شاهد الحلقة ان يطلعنا على بقية التفاصيل, و ارجو من ديدان الانترنت (وانا واحد منهم) ان يجدو لنا الحلقة المذكورة على النت
بحثت كثيرا و لم اجد تسجيلا للحلقة المذكورة, لكن يبدو انه من الممكن تحميلها بعد فترة (اسبوع من اذاعة الحلقة على الهواء) بجميع الاحوال يبدو ان اسم الناجي اللبناني هو (أحمد ماهر حرب) و كان اللبناني الوحيد على متن السفينة و هو ضابط ملاحة (مثل سامر), اثناء البحث وقعت على المقالين التاليين:
جاهزين فورا 
