دليل كبير المهندسين للمكنة الالمانية MAK 601

[ugaritian]

حصلت على الملف المرفق لغاية خاصة بالعمل و احببت ان اجعله متاحا لكم فهذه المكنة من افضل المكنات و اكثرها انتشارا للسفن التجارية الالمانية الغربية التي بنيت في الثمانينات من 10 الى 20 الف طن

[Eng.Lojain]

عن جد الله يسلم هالايدين
يا أخي جدع أبو العبد و كفو كمان
كتر منن هيك شغلات

[Christopher Columbus]

مشكور جدا جدا جدا صدقا تعجز الكلمات دمت معطاءا ومحراكا لهذا الموقع يا ابا العبد

[ugaritian]

اعملولنا قسم خلينا نسميه المكتبة البحرية بحيث يتألف من قسمين فرعيين
ميكانيك
سطح

منشان نجمع الكتب فيهون و ما نضيع

هلق ناطر حدا يسالني سؤال معين عن هالكتالوج بس ما حدا سالو

[Bahreya]

اعملولنا قسم خلينا نسميه المكتبة البحرية بحيث يتألف من قسمين فرعيين
ميكانيك
سطح

هاد الاقتراح للنقاش بعدين ... عالهواء مباشرة يعني ... و بالنسبة للكتالوج بس اتصفحوا برجع لهون !

[Caterpillar]

يعطيكم العافية شباب
شكراً عالكتالوج .. بس بدي كم يوم لحتى ادرسه وبعدين منتناقش
بس ليش ما بيحطوا محركات ألمانية على السفن الألمانية ؟ متل محرك مرسيدس أو غيرو .....

[ugaritian]

يعطيكم العافية شباب
شكراً عالكتالوج .. بس بدي كم يوم لحتى ادرسه وبعدين منتناقش
بس ليش ما بيحطوا محركات ألمانية على السفن الألمانية ؟ متل محرك مرسيدس أو غيرو .....

اهلا و سهلا بك, لكن من قال ان الماك MAK ليست المانية, المكنة ماك مكنة المانية عريقة, بس يظهر اختلطت معك الامور لما شفت اشارة الكات CAT ففكرتها اميركانية

صح؟؟

و على فكرة كل البواخر الالمانية تحوي مكنات المانية (اجمالا) و ارجو ان تلاحظ العنوان الذي يشير الى ان المكنة المانية

[Caterpillar]

صح انا انخدعت وفكرتو محرك كاتربيلر بسبب الشعار المذكور
بس بدنا نسأل ليش موجود شعار الكاتربيلر على الكاتالوج ؟

[ugaritian]

هلق ناطر حدا يسالني سؤال معين عن هالكتالوج بس ما حدا سالو

هذا هو السؤال الذي كنت انتظره:

صح انا انخدعت وفكرتو محرك كاتربيلر بسبب الشعار المذكور
بس بدنا نسأل ليش موجود شعار الكاتربيلر على الكاتالوج ؟

من عنده جواب؟؟؟

قد تجدون اجابة هنا: http://marine.cat.com/

[Caterpillar]

ما عندي جواب أكيد لكن من الممكن :
تحالف بين الشركتين أو أنو شركة اشترت التانية أو اشترت التصميم أو الترخيص .....
و من المعروف ان شركة كاتربيلر شركة عريقة بصناعة المحركات الضخمة والآلات الثقيلة

[ugaritian]

صحيح, حصل اندماج بين الشركتين مع الحفاظ على عراقة كل منهما فالشركتين الان شركة واحدة و ما زالت الماك بروح المانية و الكات بروح اميركية

بس بشكل عام انتشار الماك اوسع بكثير في المجال البحري خاصة في منطقتنا القريبة من اوروبا, و رايي الخاص ان مكنة الماك افضل مكنة في البحر

[damascus]

عزيزي
لقد تم شراء شركة كاتيربيلر من قبل شركة ماك ويتم إنتاج أجمل المحركات والبناء يتم في ألمانيا (روستوك) في معمل كان ينتج فيه محركات MAN الشرقية
والمحركات هي MAK-CAT