سؤال بحري

[Caterpillar]

كيف الشباب
إذا شي مرة شفتو كتالوج محرك أو سجل عمل آلة على سفينة متل محرك أو رافعة أو غيرها بتلاحظوا أنو جلدة السجل عليها لوح حديد ، نعم جهة كرتون والجهة التانية حديد

حدا بيعرف تفسير ؟

يالله يا طلاب فكروا لنشوف تحليلاتكم !

[Bahreya]

هلا لو كانت الجهتين حديد كنت قلتلك نوع من الحماية الزائدة ... لكن باعتبار جهة واحدة حديد فأعتقد أنه لتعليقه بالحائط بمغناطيس !!

[ugaritian]

ما تواخذني خي كاتربلر بس عمرو ما مرق علي حكي من هانوع يعني بحياتي ما شفت الحديد عالكاتالوغات علما اني شايف كتالوغات كتير

ياريت تفهمني اكتر و يا ريت نشوف مشاركاتك في بقية المواضيع المفتوحة

[Caterpillar]

ما تواخذني خي كاتربلر بس عمرو ما مرق علي حكي من هانوع يعني بحياتي ما شفت الحديد عالكاتالوغات علما اني شايف كتالوغات كتير

يوجد على السفن الروسية و بالأخص على السفن الحربية والسبب هو في حال الغرق لكي يبقى السجل في مكانه ولا يطفو فيضيع وخصوصاً إذا كان يحمل درجة سرية

هذا هو الجواب . ولقد لفت انتباهي أثناء خدمتي الإلزامية و لم أستطع أن أفسره حتى سألت أحد البحارة عن وجود هذا اللوح فكان جوابه ماسبق .

فما رأيكم

[ugaritian]

تمام الله يعطيك العافة, هلق انفهمت, ما اشتغلت على سفن روسية و لا حتى يابانية (كلو يا خيي اوروبي) لهيك ما مرقت علي هالقصة

[Caterpillar]

سؤال على الهامش : المحركات الأوروبية بتصرف زيت متل المحركات الروسية ؟
يعني مصروف زيت على الحرق معظم المحركات الروسية مصروفها عدة كيلو غرامات في الساعة تقريباً ( 2-3 غ/حصان . سا ) وتتغير بحسب استطاعة و حمولة المحرك

[ugaritian]

ما كتير تعول على اجابتي, لانني لست مختص في المحركات, لكني اعتقد بشدة ان المحركات الروسية تصرف زيت اكثر من المحركات الاوروبية, ما في متل الاوروبي و خاصة الالماني و خاصة الماك MAK

[themariner]

بصراحة انا عملت على باخرة مبنية بألمانيا الشرقية سابقا" و كانت تابعة للأسطول التجاري السوفيتي، السفينة كانت أسطورة بامكاناتها، حمولتها حوالي 20 الف طن، و يللي بدو يعرف اكتر عنها، يبحث على النت عن سفينة طراز استراخانAstrakhan Type ships
لا يمكنني الا ان انحني اعجابا" لتصمميم السفينة
كانت متل الجبل بالبحر، عندما كنت مهندس ثاني عليها اذكر كم كانت معقدة، بغرفة الماكينات كان يوجد عندي 66 مضخة فقط....... فتأملو يرعاكم الله...

[alzaeem]

انا عملت على سفينة صنعة في المانيا انا بحب كل قطعة فيها كل برغي كل عزقة كل ماسورة كل مفتاح كهربا كلشي بتحس انو فيه روح شعب كادح بيحترم العمل و يقدسه انا بتمنى انو يصير الحب في بلدنا عمل متكامل انو طلاب الهندسة ينظرو الى المستقبل مو بالوظيفة بالجامعة لانو هدا حلم الكثيرين انا بتمنى ان الحياة تصير دراسة و عمل و حب

[أيمن]

سلام يا شباب
انا اخوكم أيمن من سلطنة عمان جديد بالمنتدى
حبيت اشارككم اذا ما عندكم مانع في مواضيعكم عن الهندسة البحرية
انا طالب هندسة بحرية وانهيت سنة اولى من التخصص واتمنى استفيد من اصحاب الخبرة الموجودين بالمنتدى
تحياتي